Հարսի քողով լավություն` փեսային. Աննա Հակոբյանի հիմնադրամին աջակցող գործարարը շուրջ 3 միլիարդ դրամի հարկային արտոնություն է ստացել Նիկոլ Փաշինյանի կառավարության կողմից (լուսանկարներ)
Վերջին օրերին սոցցանցերում գերակտիվություն ցուցաբերող Աննա Հակոբյանը երեկ ֆեյսբուքյան իր էջում գրառում էր արել, շնորհակալություն հայտնել Սարգիս Թարվերդյանին ու «Արդշինբանկ» ՓԲԸ վարչության նախագահ Արտակ Անանյանին:
Աննա Հակոբյանը նախ ավելի վաղ հրապարակել էր այն «նամակ-ակնկալիքը», որն ուղարկել էր գործարարներին` «Իմ քայլը» հիմնադրամի բարեգործական ծրագրերին աջակցություն ստանալու նպատակով: «Սրբազան պայքար» տելեգրամյան ալիքն էլ գրեց, թե Աննա Հակոբյանի «ակնկալիք-պահանջը» մերժած ընկերությունները ենթարկվում են խիստ ճնշումների:
Ինչևէ, պարզ է, որ «Իմ քայլը» հիմնադրամին մեկ կամ երկու մարդ չէ, որ ստիպված կամ կամավոր գումարներ է փոխանցում: Բայց փաստ է, որ հենց այս երկու մարդկանց անուններն է հրապարակում Հակոբյանը` առանձին ուշադրություն հատկացնելով նրանց: «Արդշինբանկի» պարագայում հարցեր թերևս չկան, ամեն ինչ պարզից էլ պարզ, բայց թե ինչով է Սարգիս Թարվերդյանն արժանացել Աննա Հակոբյանի ջերմ վերաբերմունքին, փորձեցինք պարզել:
Միջանկյալ նշենք միայն, որ, համենայն դեպս, «Իմ քայլը» հիմնադրամի կայքում 2023-24թթ. նվիրատուների ցանկում ոչ Թարվերդյանի, ոչ էլ Անանյանի անունը հրապարակված չէ:
Ինչպես երևում է Աննա Հակոբյանի հրապարակած տեսանյութում` հենց Թարվերդյանին ուղղված նամակում, նրանից ինքն «ակնկալում է աջակցություն 10.000.000 դրամի չափով:
Գիտենք` ձրի պանիրը միայն թակարդում է լինում: Եվ այս դեպքում էլ հարց է առաջանում` ինչու է Շրի Լանկայում ՀՀ պատվավոր հյուպատոս Սարգիս Թարվերդյանը, որն «Արարատ» սննդի կոմբինատի 65% բաժնետոմսերի սեփականատերն է և Հայաստանի արդյունաբերողների և գործարարների միության խորհրդի անդամը, հեշտ ու հանգիստ բավարարում Աննա Հակոբյանի «ակնկալիքը»:
Բանն այն է, որ Աննա Հակոբյանի ամուսնու` Նիկոլ Փաշինյանի ղեկավարած կառավարությունը բոլորովին վերջերս 1.6 միլիարդ դրամի հարկային արտոնություն է տվել, ուշադրություն, նույն Սարգիս Թարվերդյանին պատկանող բիզնեսին: Դա էլ ամենը չէ, դրանից առաջ էլ 1,4 միլարդի հարկային արտոնություն «Արարատ» սննդի կոմբինատին տրվել էր ավելի վաղ: Ստացվում է Նիկոլ Փաշինյանը 3 միլիարդ դրամի արտոնություն է տվել այս ընկերությանը:
Ինչ է ստացվում. պարզ ասած` 3 միլիարդ դրամ քիչ հարկ է գնում բյուջե, խնայված գումարները գնում է Աննա Հակոբյանի ղեկավարած հիմնադրամ: Եթե էլ ավելի պարզեցնենք այս շղթան, ապա կստացվի, որ բոլոր հարկատուների հաշվին գումարներ են գնում Հակոբյանի գլխավորած հիմնադրամ, իսկ ըստ հիմնադրամի 2022թ.-ի հաշվետվության` ստացված եկամտի կեսից ավելին` 147.5 միլիոն դրամը, աշխատավարձի, գործուղման և այլ ծախսերի տեսքով ուղղվել է վարչական ծախսերին։
Կարճ ասած` ժողովրդի հաշվին Փաշինյանը լավություն է Թարվերդյանին, Թարվերդյանը` Հակոբյանին:
Իսկը` հարսի քողով լավություն` փեսային:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
