Երկու ճիվաղների ճանապարհները բաժանվել են. մի բանդիտը մյուսին ասում է` դու բանդիտ ես

Քրդերին վախեցնում են, բայց քրդերին հասնում է: Neswpress.am-ի հետ զրույցում ասաց քաղաքագետ Լևոն Շիրինյանը` անդրադառնալով Թուրքիայի վարչապետ Ահմեդ Դավութօղլուի հայտարարությանը:

Թուրքիայի վարչապետը Բինգյոլում բնակչության առաջ ելույթ ունենալու ժամանակ հայտարարել է, թե քրդերը հայ ավազակախմբերի նման համագործակցում են ռուսների հետ։ Նա ասել է նաև, որ ինչ արեցին հայերի հետ 1915 թվականին` կանեն նաև քրդերի հետ:

Մասնավորապես, խոսելով թուրք պաշտոնյայի հայտարարության հայերին ուղղված հատվածից ու «ավազակախումբ» որակավորումից, Շիրինյանը նկատեց, որ այս հայտարարությունը հայկական մասով աբսուրդ է. ամեն ժողովուրդ ինքնապաշտպանվելու ազատություն ունի, ընդ որում՝ հայերը ինքնապաշտպանվել են իրենց հայրենիքում: Այսինքն, էթնիկ ժողովուրդը հայն է, իսկ ինչ-որ ասվում է քրդերի համար՝ տեղին է:

«Ավազակախումբն իրենք են: Էդ հարց է, թե ով ում տարածքն է եկել զավթել: Տարբեր տարածքներից եկել թափանցել են բանդիտիզմով, մորթելով տեղավորվել հայկական լեռնաշխարհում: Իրենք որպես քոչվորներ, ֆաշիստներ, էդ ամենի հիմնադիր ցեղերն են և այդ մտածողության տերը»,-ասաց քաղաքագետը:

Ինչ վերաբերում է քրդերին ուղղված հայտարարությանը, ապա Լևոն Շիրինյանը նկատում է՝ թուրքերը քրդերին օգտագործեցին հայերի դեմ. հայկական սպանդ են կազմակերպել ու հիմա թող երեսով տան: Ըստ քաղաքագետի՝ մեր տեսակետը կարող է մեկը լինել` քրդերը մեզ համար հետաքրքիր են այնքանով, որքանով կկռվեն թուրքերի դեմ:

«Մի բանդիտը մյուսին ասում է բանդիտ ես: Առանձնապես մեզ այստեղ բան չկա: Նրանց ատամները հիմա փափուկ է մեր նկատմամբ: Երկու ճիվաղների, մարդասպանների բանդիտների ճանապարհները բաժանվել են՝ իրար հետ հաշիվ են անում, հարց են լուծում` թող լուծեն»,-ասաց Շիրինյանը՝ հավելելով, որ թուրքերը քրդերին ուզում են ասել, թե դուք ձեր հայրենիքում չեք, բայց իրենք էլ իրենց հայրենիքում չեն:
Նրա խոսքով, ըստ էության, Դավութօղլուն նույն սուլթան Համիդն է ու, եթե փողկապ են կապում, ակնոց են դնում՝ չի նշանակում, թե թուրքը չեն: