Գյումրին վաղուց է «խաչ քաշել» իշխանության վրա.(ֆոտո)

Հանգստյան օրերին գյումրեցի լուսանկարիչ Հայկ Բարսեղյանի նախաձեռնությամբ Գյումրիում սկիզբ դրված հանգանակությանը միցավ նաև Երևանը: Հյուսիսային պողոտայի սկզբնամասում էլ հայ ակտիվիստները կազմակերպել էին դրամահավաք` «Երևանը Գյումրիի կողքին» խորագրով: Նախաձեռնության հեղինակները երիտասարդներն էին:

Ակտիվիստ Արամ Մանուկյանը newspress.am-ի հետ զրույցում չցանկացավ հատուկ անուններ տալ` նկատելով, որ երիտասարդության շրջանում կար շատ մեծ ոգևորություն և օգտակար լինելու ձգտում: Բոլորը ցանկանում էին մասնակցել Հայկ Բարսեղյանի կողից նախաձեռնած հրաշալի միջոցառմանը:

«Այս նախաձեռնությունը նախ և առաջ ապտակ է այն իշխանություններին, որոնք այս տարիների ընթացքում սուտ խոստումներ են տվել ու դեռ շարունակում են տալ: Ցավալի է, որ ավերիչ երկրաշարժ տեսած մեր քաղաքներում դեռ կան մարդիկ, ովքեր ապրում են խարխուլ տնակներում ՝ ահավոր պայմանների մեջ: Իմ կարծիքով, կոնկրետ Գյումրին, շատ վաղուց է «խաչ քաշել» իշխանությունների վրա ու այս պատճառով է, որ երիտասարդները նման միջոցառում են նախաձեռնել. օգնել Գյումրիի անօթևան ընտանիքներին»,-ասաց Մանուկյանը:

Ըստ ակտիվիստ Արամ Մանուկյանի` այս իշխանությունները, ի նպաստ ժողովրդի գործելու փոխարեն, հակառակն են անում. «միայն կարողանում է ավելացնել արտագաղթը, թալանել ժողովրդին, երկիրը լցնել քաղբանտարկյալներով, աղքատության տոկոսը էլ ավելի ու ավելի մեծացնել»,-նկատեց նա:

Վերջինիս տեղեկացմամբ` միջոցառման ավարտից հետո հավաքվածների մարդկանց ներկայությամբ հանգանակված գումարը հաշվել են և հանձնել նախաձեռնության կազմակերպիչներին՝ ընդհանուր գումարին ավելացնելու համար:

Երևանում հանգանակությունից ստացվել է`1.200.680 դրամ, 30 եվրո, 400 ԱՄՆ դոլլար, 920 ռուսական ռուբլի և 37.000 պարսկական թուման: