ՌԴ-ն պարտավոր է Հայաստանին զենք հատկացնել, ոչ թե վաճառել. Վովա Վարդանով

«ՌԴ-ն Հայաստանին ոչ թե պետք է զենքը վաճառի, այլ հատկացնի, պարտավոր է այդպես անել»,-newspress.am-ի հետ զրույցում նշեց ազատամարտիկ, հետախույզ Վովա Վարդանովը:

Ըստ նրա՝ ռուս-թուրքական լարվածության ֆոնին ՌԴ-ն ոչ միայն Գյումրիում ռուսական ռազմաբազան պիտի արդիականացնի, այլ Հայաստանին զինի.«մեզ առանց հարցնելու ներքաշում է լարվածության մեջ, ուստի որպես դաշնակից պարատավորություններ ունի»:

Հիշեցնենք, որ Հայաստանի եւ Ռուսաստանի կառավարությունները համաձայնագիր են ստորագրել, ըստ որի՝ մեր երկրին 200 միլիոն դոլարի չափով պետական արտահանման վարկ է տրմադրվում ռուսական զենք գնելու համար: Վարկային համաձայնագիրը նախատեսում է, որ Հայաստանը Ռուսաստանից կգնի «Смерч» համազարկային կրակի ռեակտիվ համակարգեր եւ ռազմամթերք:

Մեզ հետ զրույցում Վովա Վարդանովը նաև ասաց, որ այս ժամանակահատվածում Ադրբեջանին ձեռնտու չէ շիկացնել իրավիճակը սահմանին, որքան էլ փորձի Թուրքիային հաճոյանալ` ՌԴ-ի հետ սրացումների չի գնա, բացի այդ, մեր զինվորները լռեցնում են:

Ադրբեջանում էլ ներքին շատ խնդիրներ կան՝ տնտեսական, քաղաքական: