Քաղշինկոմիտեն ՄԱԿ-ի պատվիրակությանը ներկայացրել է ոլորտի առաջիկա նպատակները
Քաղաքաշինության կոմիտեի նախագահ Եղիազար Վարդանյանն ընդունել է Հայաստանում Միավորված ազգերի կազմակերպության զարգացման ծրագրի (UNDP) պատվիրակությանը՝ ՄԱԶԾ մշտական ներկայացուցիչ Նաթիա Նացվլիշվիլիի գլխավորությամբ։
Քննարկվել են ընթացիկ համատեղ նախաձեռնությունները և առաջիկայում քաղաքաշինության ոլորտում համագործակցության հնարավոր ուղիները։
Կողմերն արդյունավետ են համարել վերջին տարիների գործակցությունը՝ առանձնացնելով շենքերի էներգախնայողությանն ուղղված ծրագրերը, էներգաարդյունավետության վերաբերյալ նորմերի մշակումը և օրենսդրական դաշտի բարելավումը։ Նաթիա Նացվլիշվիլին տեղեկացրել է ՄԱԶԾ առաջիկա հանձնառությունների մասին՝ նպաստելու ոլորտի քաղաքականությունը մշակողների կարողություների զարգացմանը, Հայաստանում էներգաարդյունավետության մշակույթի ներդրմանը, որի շրջանակում դիտարկում են նաև գոյություն ունեցող շենքերի, շինությունների էներգաարդյունավետության միջոցառումների համաֆինասնավորման հնարավորությունը։
Եղիազար Վարդանյանը, ներկայացնելով Քաղաքաշինության կոմիտեի առաջիկա նպատակները, նախանշել է հնարավոր համագործակցության լայն օրակարգ։ Մասնավորապես՝ նա կարևորել է ՄԱԶԾ աջակցությունն ամերիկյան և եվրոպական նորմերի տեղայնացման առաջիկա ծրագրերի, ՀՀ տարաբնակեցման գլխավոր նախագծի մշակման, քաղաքաշինական թվային կադաստրի ձևավորման, բնակարանային ֆոնդի «Ռենովացիայի մասին» օրենքի մշակման շրջանակում, ինչպես նաև բնակֆոնդի վերաբերյալ տեղեկատվական համակարգի, «Բազմաբնակարան շենքի կառավարման մասին» նոր օրենքի մշակման, շենքերի կառավարիչների, մարզպետարանների և համայնքապետարանների աշխատակիցների վերապատրաստման ծրագրերի արդյունավետ իրականացման գործում։
ՄԱԶԾ մշտական ներկայացուցիչն ընդգծել է, որ բաց են քննարկելու ներկայացված ուղղություններով միջազգային փորձագետների ներգրավման, GIS տվյալների տրամադրման և աջակցության այլ հնարավորությունները։ Որպես համագործակցության կարևոր ուղղություն՝ նախանշվել է նաև կոմիտեի համակարգմամբ իրականացվող շինարարական ծրագրերի շրջանակում գոյություն ունեցող շինությունների վերակառուցման դեպքում էներգաարդյունավետության միջոցառումների համաֆինանսավորումը։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
