Հնդկաստանում կրոնական միջոցառման ժամանակ զոհվածների թիվը հասել է 116-ի
Հնդկաստանի կենտրոնական Ուտար Պրադեշ նահանգի Հաթրաս թաղամասում կրոնական միջոցառման ժամանակ հրմշտոցի հետևանքով զոհերի թիվը հասել է 116-ի:
Այս մասին գրում են արտասահմանյան լրատվամիջոցները։
Իշխանությունները չեն բացառում, որ զոհերի թիվը կաճի։
Հիշեցնենք, որ դեպքը տեղի է ունեցել հուլիսի 2-ին Ուտար Պրադեշ նահանգի Մուղալ Գարհի գյուղում։
Մահացածների մեծ մասը կանայք են։ Նախնական տվյալներով՝ միջոցառման ժամանակ կրոնական քարոզիչը դիմել է իր հետեւորդներին հատուկ կանգնեցված վրանում: Սենյակում շատ մարդիկ են հավաքվել, այն խցանվել է, մարդիկ սկսել են շտապել դուրս գալ վրանից, ինչից հետո հրմշտոց է սկսվել։