Փոփոխություններ` սահմանամերձ բնակավայրերում բնակապահովության պետական աջակցության ծրագրում
![Փոփոխություններ` սահմանամերձ բնակավայրերում բնակապահովության պետական աջակցության ծրագրում](/timthumb.php?src=disc/27-06-24/41a5fc9b13349d8e2c7629b3f2dc5204.jpg&w=780)
ՀՀ աշխատանքի և սոցիալական հարցերի նախարարությունը հայտնում է, որ ՀՀ սահմանամերձ բնակավայրերում բնակարանային ապահովության պետական աջակցության 2022-2025 թթ․ ծրագրում կիրականացվեն մի շարք փոփոխություններ․ Կառավարության այսօրվա նիստում հաստատվել է նախագիծը։
Ըստ այդմ՝
- սահմանվել է ամուսինների գումարային տարիքի առավելագույն շեմ՝ 75 տարի․ տարիքային շեմը գերազանցելու դեպքում՝ պարտադիր է ունենալ առնվազն մեկ անչափահաս երեխա,
- ՀՀ քաղաքացիություն ունենալու պայմանը վերաբերում է շահառու ընտանիքի բոլոր անդամներին,
- շահառու կհամարվի նաև ամուսնուն (կնոջը) կորցրած (մահացած, զոհված) և առնվազն 1 անչափահաս երեխա ունեցող միայնակ ծնողը,
- Տավուշի մարզի Բաղանիս, Բերքաբեր, Կիրանց և Ոսկեպար բնակավայրերում անհատական բնակելի տուն կառուցելու (կառուցապատումը շարունակելու) նպատակով տրամադրվող աջակցության դեպքում՝ կտրվի 5 մլն հավելում: