Ջուլիան Ասանժը ազատ է արձակվել
![Ջուլիան Ասանժը ազատ է արձակվել](/timthumb.php?src=disc/26-06-24/1b820d22823cc2a0e8061822c49f2bd5.jpg&w=780)
WikiLeaks-ի հիմնադիր Ջուլիան Ասանժը ազատ է արձակվել։ Դատարանը լրագրողին ազատ է արձակել այն բանից հետո, երբ նա մեղավոր է ճանաչվել ԱՄՆ իշխանությունների հետ գործարքի շրջանակներում լրտեսության մասին օրենքը խախտելու մեջ:
BBC-ն հայտնում է, որ դատավոր Ռամոնա Մանգլոնան նրան մեղավոր է ճանաչել ազգային պաշտպանության գաղտնի տեղեկատվության ձեռքբերման և բացահայտման մեջ:
Ավելի լուրջ մեղադրանքները, որոնք սպառնում էին երկարաժամկետ ազատազրկման, հանվեցին Ասանժի դեմ։
Ասանժի դեմ գործը կարճվել է, իսկ ամերիկյան իշխանությունները նույնպես հետ են վերցրել արտահանձնման իրենց դիմումը։ ԱՄՆ դատախազները Սայպանում դատավորին խնդրեցին նիստ անցկացնել և դատավճիռ կայացնել Ասանժի մեղքն ընդունելուց անմիջապես հետո:
Ասանժին արգելվում է մուտք գործել ԱՄՆ առանց հատուկ թույլտվության։