ՌԴ ԱԳՆ-ն ԿԺԴՀ-ի հետ համաձայնագիրը նախազգուշացում է անվանել
![ՌԴ ԱԳՆ-ն ԿԺԴՀ-ի հետ համաձայնագիրը նախազգուշացում է անվանել](/timthumb.php?src=disc/25-06-24/0199a5e37ec0a00e377e91bf11b79eb3.jpg&w=780)
Ռուսաստանի և ԿԺԴՀ-ի միջև համաձայնագիրը նախազգուշացում է այն երկրների համար, որոնք ծրագրում են լուծել տարածաշրջանի խնդիրները ռազմական ճանապարհով:
Համաձայնագիրը ուղղված չէ Հարավային Կորեայի կամ երրորդ երկրների դեմ:
Այս մասին RIA Novosti-ին տված հարցազրույցում ասել է ՌԴ փոխարտգործնախարար Անդրեյ Ռուդենկոն։
«Այս համաձայնագիրը նախազգուշացում է այն երկրների համար, որոնք հավանաբար ակնկալում են կամ պատրաստվում են լուծել թերակղզու և ընդհանուր առմամբ տարածաշրջանի խնդիրները ռազմական ճանապարհով»,- ասել է Ռուդենկոն։
Նա ընդգծել է, որ Ռուսաստանը բազմիցս ընդգծել է, որ այս համաձայնագիրն ուղղված չէ ոչ Հարավային Կորեայի, ոչ էլ երրորդ երկրների դեմ, այն նպատակ չունի խարխլելու առանց այն էլ բարդ իրավիճակը Հյուսիսարևելյան Ասիայի տարածաշրջանում: