Ոնց որ ձեր մեջի պարապը ես եմ, որ լսում եմ․ Արմեն Աշոտյանը լսել է գաղտնալսումներն ու համոզվել՝ դրանք նախաքննական մարմինը «մաքրել», «սանրել» ու «խուզել» է
![Ոնց որ ձեր մեջի պարապը ես եմ, որ լսում եմ․ Արմեն Աշոտյանը լսել է գաղտնալսումներն ու համոզվել՝ դրանք նախաքննական մարմինը «մաքրել», «սանրել» ու «խուզել» է](/timthumb.php?src=disc/24-06-24/b90b7f743574e3ecc5c9813e725e3a22.jpg&w=780)
«Կարեն Հակոբյանի վեց ամսվա գաղտնալսումից տրամադրել են հինգ օրվա խոսակցություն, 82 րոպե»։ Այս մասին դատական նիստում ասաց ՀՀԿ փոխնախագահ Արմեն Աշոտյանը՝ հիշեցնելով իր ու վկա Կարեն Հակոբյանի հեռախոսազրույցների գաղտնալսման մասին։
Նա նշեց, որ այս գաղտնալսման փոքր հատվածն է տրամադրվել իրեն և միջնորդություն ներկայացրեց մյուս մասը ևս տրամադրել։
«Նախաքննական մարմինը, ստանալով ողջ տեղեկությունը, իր ճաշակով, ավելի ճիշտ` իր մեղադրական տրամաբանությամբ, «մաքրել», «սանրել» և «խուզել» է այդ նյութերը։ Թողել է մի քանի րոպե, ինչ-որ իրենց է պետք, բայց այն, ինչ պետք է Ձեզ արդար դատավճիռ կայացնելու համար, և ինձ, որպեսզի ես ևս մեկ անգամ համոզվեմ, որ իմ անազատության մեջ գտնվելն իրավաչափ չի, այդ նյութերը չկան»,- ասաց Աշոտյանը։
Նա միջնորդություն ներկայացրեց դատարանին.
«Խնդրում եմ Ձեզ, միջնորդեք նախաքննական մարմնին քաղաքացի Կարեն Հակոբյանի իրականացրած գաղտնալսումների, այդ թվում արտաքին ու ներքին դիտման ողջ հասանելի փաթեթը փոխանցեն այդ հարցով շահագրգիռ մեղադրյալին՝ ինձ։ Եթե մյուս մեղադրյալները կուզեն լսել այդքանը... ոնց որ ձեր մեջի պարապը ես եմ, որ լսում եմ րոպե առ րոպե, վայրկյան առ վայրկյան, կարամ գամ պատմեմ։ Հիմնավորում եմ, որ դրանք շատ կարևոր են, քանի որ այդ գաղտնալսումների հիմքով ես մեկ տարուց ավելի՝ կալանքի տակ եմ, խնդրում եմ՝ հաշվի առեք այս հանգամանքը»,- ասաց Աշոտյանը։