Աշխարհին ծնկի բերելու Պուտինի պլանը. Die Welt

Գերմանական Die Welt պարբերականը հոդված է հրապարակել, որտեղ նշվում է, որ Պուտինը վերջին շրջանում ակտիվ կերպով ոսկի է հավաքում։ Տեղեկացնում է sondakika.com կաքը։

Գերմանական հայտնի պարբերականը ուսումնասիրել է վերջին շրջանում Ռուսաստանի վարած տնտեսական քաղաքականությունը և նյութեր է հավաքել Պուտինի ոսկի կուտակելու վերաբերյալ։ Վերջին 12 ամսվա ընթացքում ռուսական պահուստներն ավելացվել են 20 տոնայով։ Մինչ այդ հայտարարվել էր Ռուսաստանի 300 տոնա պահեստային ոսկի ունենալու վերաբերյալ։ Այժմ գերմանական պարբերականը նշում է, որ Ռուսաստանն անձայն հրաժարվում է դոլարից։

Պուտինի ընտրած այս ուղղությունը նպատակ ունի ծնկի բերել արևմուտքին։ Պահոստային ոսկով Ռուսաստանը կապահովագրի իր տնտեսությունը և կբարձրացնի ռուբլու արժեքը։ Քանի որ նավթի համաշխարհային գներն անկում են ապրել և Ռուսաստանը հայտնվել է վերջին ժամանակների ամենամեծ տնտեսական ճգնաժամի մեջ, միակ ձևը վերականգնելու տնտեսության վիճակը ոսկու կուտակումն է։ Ըստ պարբերականի՝ Ռուսաստանի և Չինաստանի ոսկու կուտակման մտադրությունը թանկացնում է ոսկու համաշխարհային գինը։ Այդ պատճառով ոսկու գինը վերջին շրջանում անընդհատ աճում է։

Պարբերականն անդրադարձել է նաև Չինաստանի նույն մտադրությանը։ Չինական ոսկու պահուստները ավելի քան 600 տոննա են։ Չինաստանը համարվում է ոսկու պահուստով 5-րդ երկիրը, իսկ Ռուսաստանը 6-րդը։ Սակայն նշվում է, որ առաջինից չորրորդ տեղերը զբաղեցնում են ԱՄՆ-ը, Գերմանիան, Իտալիան և Ֆրանսիան։