Դաշնակ մարզպետը ստիպված կլինի աշխատել հանրապետական թեկնածուի համար

ՀՀԿ-ՀՅԴ համագործակցության համաձայնագրի ստորագրմամբ հանրապետականը Շիրակի մարզը հանձնեց դաշնակցությանը:

Թե ինչպես կհեղափոխեն մարզը հեղափոխական դաշնակցականները նորանշանակ մարզպետ, ֆինանսիստ Հովսեփ Սիմոնյանի միջոցով` դժվար է ասել: Սակայն հարկ է նկատել, որ մի անգամ արդեն հենց նույն Հովսեփ Սիմոնյանը այս մարզում տապալվել է:

2012 թվականի ՏԻմ ընտրությունների ժամանակ նա Գյումրիի գործող քաղաքապետ Սամվել Բալասանյանի հետ իր թեկնածությունն է առաջադրել: Սամվել Բալասանյանի նախընտրական շտաբից Սիմոնյանին անընդհատ հիշեցրել են, թե նա նա գյումրեցի չէ, գյումրեցու դարդը չգիտի և ընտրվելու՝  շանսեր էլ չունի:

Այստեղ հարցն արդեն այն էլ չէ, որ Շիրակի մարզպետ է նշանակվել մեկը, ում շիրակցիները չեն սիրում ու գրակաբաց չեն ընդունել:

Գյումրիի քաղաքապետի առաջիկա ընտրությունները յոթ սարի հետևում չեն:

Բալասանյանը, ով թրծվել է ՕԵԿ-ում, քաղաքապետ դառնալու համար մաքրել ճակատը ՕԵԿ դաջվածքից ու անցել ԲՀԿ-ի ճամբար, հետո էլ պաշտոնին կառչած՝ լքել ԲՀԿ-ն, այսօր հանրապետական կուսակցության համար լավագույն թեկնածուն չէ:

Հանրապետականներըից ոմանք անկեղծանում են, որ Սամվել Բալասանյանն առայժմ աչքի ընկնող որևէ բան չի արել, ինչի պատճառով հանրապետականը դեռ չի կողմնորոշվում Գյումրու քաղաքապետի ընտրության հարցում կհենվի՞ Բալասանյանի ընտրության վրա, թե՞ կառաջարկի մեկ այլ թեկնածու: Նույն հանրապետականներից մատնանշում են, որ օրինակ Վարդան Ղուկասյանը բավականին շենք-շինություններ են կառուցվել: Գյումրին բարդ քաղաք է և գյումեցիներին հեշտ չէ համոզել իրենց ընտրության հարցում: Առավել ևս, որ Սամվել Բալասանյանին չի հաջողվել ընտրությունների ժամանակ ձայների հարցում գոհացնել հանրապետականին: Ամեն դեպքում չի բացառվում, որ Բալասանյանը կփորձի իր ուժերը քաղաքապետի պաշտոնում:

Ու ստացվում է, այնպես, որ եթե առաջադրվի Բալասանյանը, ուրեմն արեդն գործող մարզպետ Հովսեփ Սիմոնյանը, ով ժամանակին գտնվել է վերջինիս հակառակորդ թիմում, ստիպված կլինի աշխատել հենց նույն այդ Բալասանյանի օգտին` հանրապետականին գոհացնելու համաւր: Իսկ, եթե նույնիսկ Բալասանյանը չառաջադրվի, ապա միևնույնն է՝ դաշնակցական Սիմոնյանը դարձյալ ստիպված կլինի աշխատել հանրապետականի համար, քանի որ ՏԻՄ ընտրություններում դաշնակցությունը պասիվ է և դժվար թե Գյումրու նման քաղաքում, դաշնակցությունը համարձակվի թեկնածու ունենալ:

Դաշնակցությունը թեկնածու ունի նշանակավոի պաշտոններում: