«Այդ վայրում ոչ մի հայկական ուժ, զինվոր չկար». ականատեսը` Խոջալուի ջարդերի մասին

Ադրբեջանցիները 40 հայկական կայք են կոտրել: Վերջին տարիներին գրեթե ամեն տարի հաքերները կոտրում են հայկական կայքերը, կամ փորձում են կոտրել: Հայկական կայքերի անվտանգության աստիճանը տարեց տարի մեծանում է, երևի այդ է պատճառը, որ այս անգամ կոտրել են հանրությանը քիչ հայտնի կայքեր:

Նշենք, որ Խոջալուն ադրբեջանցիները միշտ էլ փորձում են ներկայացնել ադրբեջանական լույսի ներքո, սակայն, ինչպես Խոջալուի դեպքերի ականատեսներ են ներկայացրել. «Այդ ժամանակ Աղդամում կենտրոնացված էին ադրբեջանական մեծ ուժեր և հայկական կողմի նպատակն էր պահել Խոջալուն, քանի որ չէինք կարող գրոհել Աղդամի ուղղությամբ, սակայն Խոջալուի փախստականները սպանվել են ադրբեջանական կրակակետերից հնչող կրակոցներից»:

Նշվեց, որ ադրբեջանցիները կոտորել են Խոջալուի փախստականներին Աղդամի մերձակայքում, որտեղ տեղակայված էին ադրբեջանական ուժերը. «Կոտորելուց հետո ադրբեջանցիները տեղափոխել են սպանվածներին այն վայրը, որտեղ ես մինչ այդ նստած դիտարկում էի իրականացնում, այսինքն, այդ վայրում ոչ մի հայկական ուժ, զինվոր չկար»,- ասել է ականատեսը:

Հայաստանում ստեղծվել է Xocali.net կայքը, որտեղ ի մի են բերվածը և հետզհետե հարստանում է նոր վկայություններով, ապացույցներով ու փաստաթղթերով, որոնք ներկայացնում են իրականությունը: Խոջալուի իրական պատմության վերաբերյալ Հայաստանում և գրվում է, և ֆիլմեր են նկարահանվում, հավաքվում է փաստագրական նյութ` աշխարհին, նաև հենց Ադրբեջանին ապացուցելու, որ Խոջալուի ադրբեջանցի բնակիչներին հենց ադրբեջանալան զինուժն է սպանել: