Ջերմուկ-Վայք ավտոճանապարհին բախվել են ավտոմեքենաներ․ կան տուժածներ (լուսանկարներ)

 

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

 

Պարզվել է, որ Ջերմուկ-Վայք ավտոճանապարհի 10-րդ կմ-ին բախվել են «Chevrolet» (վարորդ՝ Ա․ Ա․, ծնված 2000 թ.) և «VAZ» (վարորդ՝ Ս․ Խ․, ծնված 1983 թ․) մակնիշների ավտոմեքենաները․ վարորդ Ս․ Խ․-ն արգելափակվել է ավտոմեքենայում։

 

Մինչ փրկարարների կանչի վայր հասնելը՝ «Chevrolet» մակնիշի ավտոմեքենայի վարորդը տեղափոխվել է բժշկական կենտրոն։

 

Փրկարարներն արգելափակումից դուրս են բերել և շտապօգնության ավտոմեքենային մոտեցրել վարորդ Ս. Խ․-ին, ով ևս հոսպիտալացվել է ԲԿ։ Բժիշկները Ս․ Խ․-ի առողջական վիճակը գնահատել են ծանր, իսկ Ա․ Ա․-ինը՝ բավարար։

Փրկարարները սահմանազատել են տարածքը, հոսանքազրկել ավտոմեքենաները և փակել «VAZ» մակնիշի ավտոմեքենայի գազի բալոնի փականը։