Սերժ Սարգսյանի նորանշանակ մեծահարուստ օգնականի ունեցվածքը. «Ժողովուրդ»

«Ժողովուրդ» թերթը գրում է. «Սերժ Սարգսյանի նախկին ռեֆերենտը՝ Հրայր Ղուկասյանը, որը փետրվարի 10-ին նշանակվեց Սերժ Սարգսյանի օգնական, պաշտոնը ստանձնելու հայտարարագրում նշել է, որ ունի երկու բնակարան, երկու ավտոմեքենա՝ «Lexus» և «Nissan Tida» մակնիշի:

Բացի այդ՝ նա ունի 250 դոլար բաժնեմաս ինչ-որ ընկերությունում: Բաժնեմասի չափը տվյալ դեպքում սիմվոլիկ բնույթ ունի: Այն փաստը, որ բաժնեմասը դոլարով է, ենթադրում է, որ ընկերությունը արտասահմանում է գրանցված: Ղուկասյանն ունի մոտ 12 մլն դրամի փոխառություն, նրա դրամական միջոցները կազմել են 8 մլն դրամ, 25 հազար դոլար և 10 հազար եվրո: Այն, որ պետական պաշտոնյան մոտ 300 հազար դրամ աշխատավարձով նման կարողություն չի կարող կուտակել, կարծում ենք՝ ակնհայտ է:

Թերևս Հրայր Ղուկասյանի կարողության ակունքները թաքնված են նրա հոր գործունեության տակ: Ղուկասյանի հայրը՝ Հովհաննես Ղուկասյանը, մինչև Հայաստանի անկախացումը դատավոր է եղել, իսկ 90-ականներին եղել է Հայաստանի գերագույն դատարանի դատավոր, 1999-ից էլ մինչև 2012 թվականը, այսինքն` թոշակի գնալը, եղել է ՀՀ վճռաբեկ դատարանի դատավոր:

Հիշեցնենք, որ Հրայր Ղուկասյանը Սերժ Սարգսյանի օգնական նշանակվեց ՀՀ ԱԱԾ տնօրեն նշանակված Գեորգի Կուտոյանի փոխարեն»:

Մանրամասները՝ թերթի այսօրվա համարում