Թմրանյութերի թեստավորման արդյունքում առնվազն երեք ոստիկան ազատվել է աշխատանքից. Արփինե Սարգսյան

«Արդեն իսկ ունենք ծառայողական քննություններ, առնվազն երեքն այս պահի դրությամբ ես հիշում եմ, որ  երեք դրական թեստավորման արդյունքում ՆԳՆ-ի հակակոռուպցիոն և ներքին անվտանգության վարչությունը ծառայողական քննություն է հարուցել և դրա հիմնա վրա երեք անձինք ազատվել են աշխատանքից»,-ԱԺ-ում հայտարարեց ՆԳ նախարարի տեղակալ Արփինե Սարգսյանը։

Նա հայտնեց, որ ոստիկանների ատեստավորման փուլում նախատեսվում է թեստեր թմրամիջոցների առկայության մասով։

«Եթե մենք տեսնում ենք, որ թեստը դրական է, այսինքը անձի օրգանիզմում կա որոշակի մնացուկներ և վկայում են թմրամիջոցների օգտագործման մասին, ապա այս աշխատակիցն արդեն իսկ չի անցնում ատեստացիա»,- հայտնեց փոխնախարարը։

Սարգսյանը տեղեկացրեց, որ նույն կերպ ոստիկանության բոլոր ծառայողների հետ ունենալու են նույն թեստավորման գործընթացը և հաջորդ տարվա կտրվածքով կամփոփեն և կհասկանան թե արդյոք շարունակվում են դեպքերը, թե ոչ։

Նրա խոսքով՝ նույնը կա նաև փրկարար ծառայությունում։