Դաշնակցականները պաշտոնների համար չեն պայքարում` քննարկում են. (տեսանյութ)

Հայ հեղափոխական դաշնակցության անդամ Լևոն Մկրտչյանն արդեն 4-րդ անգամ է նշանակվում ՀՀ կրթության և գիտության նախարար, սակայն հստակ ներկայացնել ոլորտը դժվարանում է:

«Ինձ երկու շաբաթ ժամանակ տվեք և ես կպատասխանեմ ձեր բոլոր հարցերին»,- կառավարության նիստից հետո լրագրողների հետ զրույցում ասաց նորանշանակ նախարարը:
Նա հերքեց հավանականությունը, թե հնարավոր է դպրոցների հանրապետական տնօրենները փոխարինվեն դաշնակցականներով:

«Գոյություն ունի մեկ չափանիշ. դա պրոֆեսիոնալիզմն է: Կրթության համակարգում, գոնե ինձ համար, այլ չափման միավոր չի եղել և չի լինելու»:

Դիտարկմանը, թե կրթության և գիտության նախարարի պաշտոնի համար պայքարը եղել է Լևոն Մկրտչյանի և Լիլիթ Գալստյանի միջև` Լևոն Մկրտչյանը պատասխանեց. «Մեր կուսակցության մեջ պաշտոնների համար պայքար չի ընթացել` քննարկվել է: Մենք ունենք լայն կադրային բազա: Ես կարող եմ, բացի Լիլիթ Գալստյանից կարող եմ ևս 5-6 մարդու անուն ասել, ովքեր կարող էին այդ պաշտոնը զբաղեցնել»,- ասաց Լևոն Մկրտչյանը:

Մանրամասն` տեսանյութում