Թուրքիայում հայկական եկեղեցի է վաճառվում

Թուրքիայի Բուրսա քաղաքի Սեթբաշ թաղամասում գտնվող 300 ամյա եկեղու վաճառքի մասին լուր է հայտնվել մի առևտրային կայքում։ Տեղեկացնում է sondakika.com կայքը։

Եկեղեցու տերը ապրում է երկրից դուրս և որոշել է այն վաճառել։ Վաճառքի հայտարարության մեջ գինը նշվում է 1․5 մլն դոլար։ Սակայն վաճառքի հարցերով տեղում զբաղվում է եկեղեցու տիրոջ բարեկամը։ Թայֆուն Օզենգինլեր անունով մարդը զբաղվում է եկեղեցու վաճառքի հարցերով։ Նրա խոսքերով եկեղեցին ունի 300 ամյա պատմություն։ Միչև գաղթը այդ թաղամասում հայեր են ապրել։ Եկեղեցին պատկանել է հայերին։ Սակայն հետո այն սեփականաշնորհվել է այժմյան տիրոջ կողմից։ Մինչև 1980-ական թվականները այն օգտագործվել է տարբեր նպատակներով։ Դրանից հետո համարվել է վթարային շենք։

Թայֆուն Օզենգինլերի խոսքով՝ եկեղեցին Բուրսայի պատմության մի մասնիկն է։ Ամեն կողմից պատմության հոտ է գալիս։
Նա տեղեկացրել է, որ զանգահարող և գնել ցանկացողները շատ են, սակայն ոչ ոք նախատեսված գինը չի առաջարկում։

«Ես կանչեցի մասնագետների, որոնք գնահատեցին եկեղեցու գինը։ Նրանք առաջարկեցին վաճառել 1․5 մլն դոլար։ Եկեղեցին 3 հարկ ունի։ 512 քառակուսի մետր տարածքի վրա 300 քառակուսի մետրը զբաղեցնում է շինությունը՝ ուղղահայաց սյուներով»,- ասել է նա։