ԱՄՆ-ն է ստիպել Զելենսկիին արգելել Ուկրաինային բանակցություններ վարել․ Զախարովա

Ռուսաստանը հաստատել է իր պատրաստակամությունը Ուկրաինայի հարցով խաղաղ բանակցությունների համար դեռ 2022 թվականին, հայտարարել է ԱԳՆ պաշտոնական ներկայացուցիչ Մարիա Զախարովան, փոխանցում է РИА Новости-ն։

Նա այսպես է մեկնաբանել ԱՄՆ պետքարտուղար Էնթոնի Բլինկենի խոսքերը, ով հույս է հայտնել, որ Մոսկվայի հետ երկխոսություն կկատարվի ներկայիս հակամարտությունը լուծելու համար՝ համաձայն ՄԱԿ-ի կանոնադրության հիմքում ընկած սկզբունքների՝ ինքնիշխանություն, տարածքային ամբողջականություն և անկախություն։

Զախարովան նաև հիշեցրել է, որ Ռուսաստանն արդեն հարգանք է դրսևորել միջազգային իրավունքի նկատմամբ՝ նախաձեռնելով Մինսկի համաձայնագրերը և դրանց համախմբումը ՄԱԿ-ի Անվտանգության խորհրդի բանաձևի տեսքով։

Նրա խոսքով՝ հենց ԱՄՆ-ն է ստիպել Զելենսկիին արգելել Ուկրաինային բանակցություններ վարել։

Բացի այդ, ԱԳՆ ներկայացուցիչը ենթադրել է, որ Բլինկենը չի ցանկանում հիշել, որ Վաշինգտոնի դաշնակիցներն են՝ Փարիզն ու Բեռլինը, որոնք միտումնավոր անտեսել են ուկրաինական ճգնաժամի միջազգային իրավական լուծումը՝ լինելով նորմանդական ձևաչափի մասնակից։

Կրեմլը բազմիցս ընդգծել է, որ երբեք չի հրաժարվել Կիևի իշխանությունների հետ բանակցություններից։ Միևնույն ժամանակ, նախագահի մամուլի քարտուղար Դմիտրի Պեսկովը նշել է, որ այժմ դրա համար նախադրյալներ չկան, քանի որ խաղաղության շարժը բացառված է ինչպես Ուկրաինայի, այնպես էլ հավաքական Արևմուտքի կողմից։ Նրա խոսքով, իրավիճակը կարող է փոխվել միայն այն դեպքում, եթե հաշվի առնվեն Մոսկվայի բոլոր պահանջները։