Հայաստանը Թյուրինգիայի հետ համագործակցության հարցեր է քննարկել
Ապրիլի 9-ից 10-ը տեղի ունեցավ ՀՀ դեսպան Վիկտոր Ենգիբարյանի այցը Թյուրինգիա երկրամաս։ Հայտնում են Գերմանիայում ՀՀ դեսպանության մամուլի ծառայությունից։
Այցի ընթացքում ՀՀ դեսպանը հանդիպում ունեցավ Թյուրինգիա երկրամասի վարչապետ Բոդո Ռամելովի հետ։ Հանդիպման ընթացքում քննարկվեցին երկկողմ հետաքրքրություն ներկայացնող հարցերի լայն շրջանակ։ Դեսպան Ենգիբարյանը զրուցակցին ներկայացրեց ՀՀ կառավարության կողմից մշակված «Խաղաղության խաչմերուկ» նախագիծը` որպես տարածաշրջանում խաղաղություն հաստատելու օրակարգի մաս, ինչպես նաև անդրադարձավ Ադրբեջանի կողմից Լեռնային Ղարաբաղի հայերի էթնիկ զտմանը։ Կողմերը քննարկեցին նաև Հայաստանի և Թյուրինգիա երկրամասի միջև տնտեսական համագործակցության ընդլայնմանը վերաբերող հարցեր։ Հանդիպման ավարտին դեսպանը գրառում կատարեց Թյուրինգիա երկրամասի ոսկե գրքում։
Այնուհետև դեսպանն այցելեց Թյուրինգիա երկրամասի խորհրդարան (Լանդթագ), որտեղ հանդիպում ունեցավ Լանդթագի նախագահ Բիրգիտ Պոմերի հետ։ Կողմերն անդրադարձան հայ-գերմանական միջխորհրդարանական հարաբերությունների հետագա զարգացմանը և կարևորեցին այդ ուղղությամբ ակտիվ շարունակական շփումները։ Դեսպանը գրառում կատարեց Լանդթագի պատվավոր հյուրերի գրքում։
Այցի ընթացքում դեսպանը հանդիպում ունեցավ Թյուրինգիա երկրամասի Տնտեսության, գիտության և թվայնացման նախարար Վոլֆգանգ Տիֆենզեեի հետ։ Կողմերն անդրադարձ կատարեցին նաև Թյուրինգիա երկրամասի գործարարների՝ Հայաստան կատարելիք այցի կազմակերպմանը և պայմանավորվածություն ձեռք բերեցին աշխատանքներ տանել Հայաստանի և Թյուրինգիա երկրամասի միջև տնտեսական համագործակցության ընդլայնման և ներդրումների խթանման ուղղությամբ։
Դեսպանը հանդիպեց նաև Թյուրինգիա երկրամասի Կրթության, երիտասարդության և սպորտի նախարար Հելմուտ Հոլտերի հետ։ Զրուցակիցները քննարկեցին կրթության և սպորտի ոլորտներում համագործակցության ընդլայնման հնարավորությունները, անդրադարձան Հայաստանի և Թյուրինգիայի դպրոցների և ԲՈՒՀերի միջև համագործակցության խթանմանը։
Դեսպանը քաղաքավարական այց կատարեց նաև Էրֆուրտի քաղաքապետարան, որտեղ հանդիպում ունեցավ քաղաքապետ Անդրեաս Բաուզեվայնի հետ։ Դեսպանը գրառում կատարեց Էրֆուրտ քաղաքի ոսկե գրքում։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
