Ուժեղացված վերահսկողություն` Երևան մտնող ճանապարահներին

Վաղ առավոտից ուժեղացված հսկողության տակ են Երևան մտնող բոլոր ճանապարհների ուղղությամբ: Newspress.am-ի տեղեկություններով` հետախուզվում է 01.001 Hamer մակնիշի ավտոմեքենան: Այս գիշերը 2.00-ի սահմաններում Վանաձորի շտապօգնության կայանից ոստիկանության Գուգարքի բաժնում հաղորդում է ստացվել, որ Վահագնի գյուղի մոտ` ճանապարհի եզրին, հայտնաբերվել է տղամարդու դիակ:

Մեկնած օպերատիվ խումբը ժամը 2.35-ին Վահագնի գյուղի մոտ, ճամփեզրին, հայտնաբերել է 44-ամյա Նվեր Քոչինյանի դիակը` գլխի հետեւի մասի հրազենային վնասվածքով:

Դիակի մոտ հայտնաբերվել է «ՏՏ» տիպի ատրճանակի համար նախատեսված, 7.62 տրամաչափի մեկ կրակված փամփուշտի պարկուճ եւ մեկ չկրակված փամփուշտ:

Փետրվարի 22-ին ՀՀ քրեական օրենսգրքի 104 հոդվածի 1-ին մասի հատկանիշներով եւ 235 հոդվածի 1-ին մասի հատկանիշներով հարուցվել է քրեական գործ:

Նշանակվել են դատաձգաբանական եւ դատաբժշկական փորձաքննություններ:

Հանգամանքները պարզվում են: Կատարվում է քննություն:

Սա վենդետայի վերածված հաշվեհարդար էր: Ըստ շրջանառվող լուրերի` սպանվածն ու սպանություն կատարողը ֆինանսական հարցերի շուրջ դեռ առաջ խնդիրներ է ունեցել և ըստ տեղեկությունների կասկածյալի ընտանիքը (7 մարդ), այդ թվում կանայք ու երեխաներ, դաժանաբար սպանվել էին 16 տարի առաջ՝ 2000թ-ին: