Հավաստի տեղեկություններով` Սպիտակում ընտրակաշառք է բաժանվում. Վաղինակ Շուշանյան

Ապրիլի 17-ին Սպիտակում քաղաքապետի ընտրություններ են: Ակտիվորեն շրջանառվում էր, որ իր թեկնածությունը հնարավոր է առաջադրի
նաև ակտիվիստ Վաղինակ Շուշանյանը: Երեկ նա ֆեյսբուքյան գրառմամբ` տեղեկացրել էր, որ իր թեկնածությունը չի առաջադրելու: Ակտիվիստը մանրամասնել էր թե ինչու. «Քաղաքապետի պաշտոնի համար առաջադրվել են 6-7 թեկնածու, որոնցից 2-ի մեջ է հիմնական պայքարը, եթե կարելի է դա պայքար համարել` Գ. Սահակյանի և Վ. Ասատրյանի: Երկուսն էլ ՀՀԿ-ական են, 2-ն էլ լավ փողատեր ու գործարար:
Արդեն իսկ քարոզարշավից առաջ բավականին մեծ գումարներ են ծախսել ընտրվելու համար»,-գրել էր նա:

Վաղինակ Շուշանյանը նաև ընդգծել էր, որ պետք է ունենա առնվազն 200 հոգուց բաղկացած թիմ, ովքեր կլինեն թե հաձնաժողովներում, տեղամասերում և կմասնակցեն քարոզարշավին. «ամենակարևորը բավականին մեծ գումար է, խոսքը գնում է մոտավորապես 10 000 և ավելի դոլարի մասին, ինչը ես չունեմ»,-մանրամասնել էր նա:

Newspress.am-ի հետ զրույցում ակտիվիսը նշեց, որ համաքաղաքացիների կողմից բազմիցս առաջարկություն է ստացել թեկնածությունը դնելու վերաբերյալ, բայց պետք է իրատես լինել և արձանագրել, որ այս պարագայում 5 տոկոսի շեմը հաղթահարելու հանարավորություն չի լինի: Վաղինակ Շուշանյանից հետաքրքրվեցինք դրամահավաք, հանգանակություն կատարելու վերբերյալ չի՞ մտածել. «Ոչ , դա ասեկոսեների առիթ կդառանար, հնարավորություններս կներեն` մյուս ընտրություններին կառաջադրվեմ»,-ասաց նա:

Նա նաև հիշեցրեց, որ Սպիտակում առաջադրվելու է գործող քաղաքապետը՝ Գագիկ Սահակյանը, նախկին քաղաքապետ, ՀՀԿ-ական Վանիկ Ասատրյանը. «Սպիտակի համար երկու թեկնածուներն էլ ոչինչ չեն արել, դրա մասին խոսում են նաև այն, որ քաղաքը դատարկվել է, միայն ծերերն են մնացել»,-եզրափակեց նա:

Newspress.am-ը զրուցեց նաև Սպիտակի գործող քաղաքապետ Գագիկ Սահակյանի հետ: Վերջինս ասաց, որ իր ընտրվելու շանսերը բարձր է գնահատում. «Եթե շանսեր չունենայի` չէի առաջադրվի»,-ասաց նա:

Նրանից հետաքրքվեցինք, թե Սպիտակում ինչ աշխատանքներ է կատարել. «Երկար պետք է թվարկեմ, չեմ կարող մի երկուսը թվարկեմ, որ ասեք էդքանն եմ արել, քսանվեցին համեցեք` հաշվետվությունը լսեք»,-մանրամասնեց Սահակյանը:

Նա նաև ասաց, որ ծանոթ է ընտարկաշառք բաժանելու մասով Վաղինակ Շուշանյանի հայտարարությանը. «Չգիտեմ` հավաստի տեղեկությունները որոնք են, բայց նման բան չկա, դեռ շուտ է այդ մասին խոսելը, այդպիսի խոսակցությունները ժամանակավրեպ եմ համարում: