Վարդենիսի ոստիկանները բացահայտել են խանութից և բնակարանից կատարված գողություններ (տեսանյութ)
Մարտի 6-ին ոստիկանության Վարդենիսի բաժին ահազանգած քաղաքացին հայտնեց, որ Վարդենիսի պոլիկլինիկայի դիմաց գտնվող խանութից գողություն է կատարվել: Բաժնի օպերատիվ խումբը մեկնեց դեպքի վայր: Պարզվեց, որ գիշերը կոտրել են խանութի դուռը և գողացել դրամարկղի 600 հազար դրամն ու ցուցափեղկերին եղած խմիչք, ծխախոտ և այլ ապրանք:
Ոստիկանների օպերատիվ-հետախուզական միջոցառումներն արդյունք տվին հաջորդ օրը: Մարտի 7-ի ցերեկը Վարդենիսի Ստեփանյան փողոցում իրավապահները հայտնաբերեցին, գողություն կատարելու կասկածանքով ձերբակալեցին և բաժին տեղափոխեցին նույն փողոցի բնակիչ 32-ամյա տղամարդուն: Նա խոստովանեց արարքը: Հանգամանքները պարզվում են:
Մարտի 13-ին ոստիկանության Վարդենիսի բաժին ահազանգել է Վարդենիսի Վիկտոր Համբարձումյան փողոցի 63-ամյա մի բնակիչ և հայտնել, որ տնից գողացել են ոսկյա զարդեր ու փող:
Բաժնից մեկնած օպերատիվ խումբը պարզել է, որ դեպքը կատարվել էր վերջին մի քանի ժամում: Կոտրել էին մի դռան ննջարանի ապակին, անցել մյուս ննջարան և պահարանից տարել էին զարդերն ու փողը: Վնասի չափը մոտ երկու միլիոն դրամի էր: Դեպքի վայրի զննությունից հետո քրեական հետախույզները չբացառեցին վարկածը, որ գողությունը... այնքան էլ գողություն չէր:
Արդեն մարտի 14-ին ոստիկանները մեկնեցին մայրաքաղաք, Գարեգին Նժդեհի փողոցի մի տանը հայտնաբերեցին ժամանակավոր բնակվող 20-ամյա երիտասարդին, որը բնակարանային գողության վերաբերյալ հաղորդում տված տղամարդու որդին էր:
Բաժնում երիտասարդն ընդունեց մեղքը և հայտնեց, որ գողացած փողն ու ոսկեղենը Երևանի վարձով տանն են:
Հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
