Թումանյանի շաուրմայից միչև լեզվի պահպանության խնդիրներ. (տեսանյութ)

«Հայերենի պահպանման ու զարգացման համար անհրաժեշտ է նոր սահմանադրության պահանջներին համապատասխան փոփոխություններ կատարել Լեզվի մասին օրենքում»,- «Անդրադարձ» մամուլի ակումբում լրագրողների հետ զրույցում ասաց ՀՀ ԿԳՆ Լեզվի պետական տեսչության պետ Սերգո Երիցյանը:

Նա նաև ասաց, որ տեսչության գործառույթները սահմանփակ են, պետք է ստեղծել լեզվի հարցերով, հիմնախնդիրներով զբաղվող պետական մարմին, որը կզբաղվի ոչ թե լեզվի վերահսկողությամբ, այլ կառուցողական խնդիրներով:

«Լեզվի տեսչությունն այնպիսի մարմին է, որը վերահսկում է, սակայն չի կարող զբաղվել կառուցողական խնդիրներով, նաեւ այս հարցը պետք է լուծվի: Մենք պետք է օգնենք, որ մեր լեզուն անընդհատ զարգանա, այսօրվա մարտահրավերներից է փողոցային, ժառգոնային, հայերենին անհարիր լեզվախոսվածքը, որոնք կարող են բացասական ազդեցույթուն ունենալ մեր լեզվի վրա»,-ասաց նա: 

Նա նաև անդրադարձավ տնտեսվարողների հետ կապված խնդիրներին, ոչ միայն գովազդի մասով, այլ նաև բարոյական հարթության տեսանկյունից:

Նա ասաց, որ օրինակ չեն կարողանում տնտեսվարողներին ասել, որ ոչ է «Թումանյանի շաուրմա» պիտի ասել, այլ «Թումանյան փողոցի շաուրմա»:

Մանրամասները` տեսանյութում