ՀՀ կառավարություն, ՀՀ գլխավոր դատախազություն, ՀՀ Ազգային Անվտանգություն, կանխեք այս ավերիչ, անօրինական  գործընթացը. ահազանգ

«Առողջության իրավունք» ՀԿ համահիմնադիր Ծաղիկ Վարդանյանն ահազանգում է.

«Կրկին փաստում եմ, որ  ՀՀ առողջապահության նախարարությունը տենդագին գործում է հանուն մի խումբ մարդկանց անձնական շահերի («Առողջության իրավունք» ԻՀԿ-ն այդ արատավոր երևույթին ոչ վաղ անցյալում բազմիցս անդրադարձել է):

Ըստ «Առողջության Իրավունք» ԻՀԿ-ի հավաստի աղբյուրների հիմա էլ առոջապահության նախարարության  թիրախը Դատաբժշկական գիտագործական կենտրոնն է: Մեր աղբյուրները հայտնում են, որ առողջապահության ոլորտի կառավարիչները օգտվելով ստեղծված իրավիճակից (սույն կենտրոնի տնօրենը ՝ Մհեր Բիշարյանը, այս պահին անցնում է քրեական գործով) փորձում են հերթական ավերիչ, ոչնչացնող գործողություններ իրականացնել կայացած նեղ մասնագիտական կառույցում՝ միաժամանակ նաև վաղուց երազած «ձկների» որս անեն իրենց համար մինչ օրս  ոչ հասանելի դատաբժշկական ոլորտում:

Այսպիսով, գայթակղված «նոր բարձունքներ»  գրավելու անհագ ցանկությամբ, առողջապահության նախարարության կառավաիչները որոշել են իրենք անձամբ փախեն  իր կանոնադրությամբ և ոլորտը կարգավորող իրավական ակտերով գործող ՊՈԱԿ-ի հաստիքացուցակը, ներմուծեն նոր, ոլորտից հեռու  աշխատակից, որը ամենայն հավանականությամբ «ապագա» տնօրենն է լինելու: Մի խոսքով ,անցել են դատաբժշկական ՊՈԱԿ-ի ուղղակի ղեկավարմանը,  ասել կուզեմ գրոհել են այս խիստ նեղ մասնագիտական կառույցի վրա՝ քարը քարին չթողնելու հեռանկարով:

Իսկ  ընկեր կառավարիչներ, ՀՀ ԱՆ կանոնադրությամբ ե՞ք առաջնորդվում ներխուժելով առանձին իրավաբանական անձին վերապահված գործառույթների մեջ, որ՞ն է նպատակը՝ ձեզ  «հարմար»  կադրերի տեղավորումը, ո՞ր իրավական նորմով եք առաջնորդվում նման իմպերատիվ, ավելի շուտ կամայական  գործառույթներ իրականացնելիս:

Երբ 2021թ.-ին նույն այս կառավարիչների խումբը ՊԱԳ-ի պետին(այդ ժամանակահատվածում ես եմ զբաղեցրել այդ պաշտոնը) նույն անթաքույց ինքնավստահությամբ և անպատժելիության անսահման զգացողությամբ «պարտադրում» էին բժշկական  կազմակերպություններին պետական պատվերի իրենց կողմից արած վերաբաշխումը (շուրջ երեք մլրդ.-ի  ) վերցնել իր վրա, ես նրանց քայլերը արդյունքում վերագրեցի անփորձության, բարձր պաշտոնից գինարբուքի մեջ լինելուն: Սայան,  հիամա հասկանում եմ, որ այն  գործելաոճ է և նպատակը առողջապահության ոլորտում բոլոր կայացած կառույցների, կադրերի տոտալ ոչնչացումն է՝ հանուն սեփական ամբիցիաների:

ՀՀ առողջապահության նախարարություն,  այնուամենայնիվ, ես կցանկանայի, որ առողջապահության նախարարությունը հերքեր այս տեղեկատվությունը և գոնե այս անգամ դրսևորվեր  որպես հեռատես կառավարիչ:

ՀՀ կառավարություն, ՀՀ գլխավոր դատախազություն, ՀՀ Ազգային Անվտանգություն, կանխեք այս ավերիչ, անօրինական  գործընթացը»։