Այսօրվանից սկսում եմ շարք, որն անվանում եմ «Զրույցներ պետության մասին»․ Փաշինյան․ մաս 1 (տեսանյութ)
Այսօրվանից սկսում եմ շարք որոշակի պարբերականությամբ, որն անվանում եմ «Զրույցներ պետության մասին»: Այս մասին TikTok-ի իր էջում հրապարակած տեսանյութում նշել է ՀՀ վարչապետ Նիկոլ Փաշինյանը: Նա, մասնավորապես, նշել է.
«Վերնագրից արդեն ակնհայտ է, ինչ հարցերի է այն վերաբերելու, պարզապես ուզում եմ մի շարք մտքեր կիսել ձեզ հետ: Ընդհանրապես, պետությունները, եթե դասակարգենք մի քանի շերտի, հավակնություն չունենալով թվարկել բոլոր հնարավոր տարբերակները, լինում են միապետություն, ազնվապետություն, ժողովրդապետություն, որոնց առանցքային տարբերությունն այն է, թե ումից է բխում իշխանությունը:
Միապետության դեպքում՝ միապետից, ազնվապետության դեպքում՝ վերնախավից, ժողովրդապետության դեպքում՝ ժողովրդից: Մենք ժողովրդապետություն ենք 1991 թվականի հանրաքվեի եւ նաեւ 2018-ի ժողովրդական, ոչ բռնի, թավշյա հեղափոխության բերումով, եւ պետք է արձանագրեմ, որ ժողովրդապետության առանցքային գործոններից մեկը, եթե ոչ ամենաառանցքայինը, քաղաքացին է:
Շատ կարևոր է հասկանալ, թե ինչպես է ձեւավորվում քաղաքացին:
Սա կապ ունի մարդու ազատությունների եւ պարտականությունների հարաբերությունների հետ: Եթե մարդն ունի միայն ազատություններ եւ չունի պարտականություններ, ըստ էության, նման իրավիճակում մենք կարող ենք բախվել անիշխանության հետ: Եթե մարդն ունի միայն պարտականություններ եւ չունի ազատություններ, այդ պարագայում մենք կարող ենք բախվել ամբողջատիրության հետ, նույնիսկ ավելի վատ տարբերակներ կարելի է թվարկել: Ահա, իմ արձանագրումն այն է, որի հետ, հույս ունեմ՝ կհամաձայնեք, որ քաղաքացին ձեւավորվում է ազատությունների եւ պարտականությունների ճիշտ հարաբերակցության մեջ: Ես դա պատկերավոր ցույց եմ տալիս առանցքների հատման ձեւով, որտեղ ուղղահայացը ազատություններն են, հորիզոնականը՝ պարտականությունները: Հատման կետում ձեւավորվում է իրավունքը, որի կրողն է քաղաքացին, եւ իրավունքը ազատությունների եւ պարտականությունների ճիշտ հարաբերակցությունն է: Այս տրամաբանությամբ քաղաքացին այն մարդն է, որը համաձայնում է բալանսավորել իր ազատությունը, այլ բառերով՝ սահմանափակել իր ազատությունը:
Իսկ ինչո՞ւ պիտի մարդը համաձայնի բալանսավորել կամ որոշակիորեն սահմանափակել իր ազատությունը:
Մի պարզ պատճառով՝ այն չկորցնելու համար, որովհետեւ եթե բոլորը կիրառեն իրենց ազատությունները, յուրաքանչյուրն «ազատ» կլինի իր կամքը պարտադրել ուրիշին: Հետեւաբար, շատ կարեւոր է արձանագրել, որ ամեն դեպքում քաղաքացիները իրենց ազատությունները համաձայնում են սահմանափակել ուրիշի ազատությամբ, որպեսզի մեզնից յուրաքանչյուրի ազատությունը չսահմանափակի ուրիշի ազատությունը: Ընդհանուր առմամբ, սա էի ուզում առաջին զրույցի ժամանակ ձեզ ասել եւ հույս ունեմ, որ սա այս թոհուբոհի մեջ ռազմավարական, խորքային մտածելու նյութ կարող է լինել բոլորիս համար:
Համենայն դեպս, ես մտածում եմ այս հարցերի մասին և ցանկացա դրանք կիսել նաև ձեզ հետ»:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
