Բաքու-Երևան հարաբերությունների հաստատումը կնպաստի տարածաշրջանի կայունությանը․ հռչակագիր է ընդունվել
2024 թվականի մարտի 15-ին Բաքվում կայացել է Ադրբեջանի, Վրաստանի և Թուրքիայի արտաքին գործերի նախարարների իններորդ հանդիպումը, որին մասնակցել են Վրաստանի արտաքին գործերի նախարար Իլիա Դարչիաշվիլին, Ադրբեջանի ԱԳ նախարար Ջեյհուն Բայրամովը և Թուրքիայի ԱԳ նախարար Հաքան Ֆիդանը։
Հանդիպման ընթացքում կողմերն ընդգծել են երեք երկրների օրինակելի համագործակցությունը ինչպես երկկողմ, այնպես էլ բազմակողմ ձևաչափերում և հատկապես՝ ընդգծել համագործակցության եռակողմ ձևաչափի կարևորությունը կայունության, կայուն զարգացման և տարածաշրջանում խաղաղության ապահովման տեսանկյունից։ Հատուկ ուշադրություն է դարձվել քաղաքականության, առևտրի, տնտեսության, էներգետիկայի, գյուղատնտեսության, տրանսպորտի, մշակութային և հումանիտար ոլորտներին։ Դրական գնահատական է տրվել եռակողմ ձևաչափով ոլորտային հաջող համագործակցությանը և խորհրդարանական, պաշտպանական, տնտեսական և այլ ոլորտներում պարբերական հանդիպումներին։
«Կողմերը ևս մեկ անգամ դրական են գնահատել բարեկամության, փոխըմբռնման, միմյանց ինքնիշխանության և տարածքային ամբողջականության նկատմամբ հարգանքի և աջակցության սկզբունքների վրա հիմնված համագործակցության լայն շրջանակը։
Նախարարները վստահություն են հայտնել, որ Հայաստանի և Ադրբեջանիմիջև հարաբերությունների շուտափույթ հաստատումը կարևոր ներդրում կունենա տարածաշրջանային կայունության և անվտանգության գործում, ճանապարհ կբացի տարածաշրջանում համագործակցության ներուժի լիարժեք իրացման համար: Կարևորվել է նաև Վրաստանի և Թուրքիայի՝ որպես տարածաշրջանի երկրների դրական դերն այդ ուղղությամբ։
Ուշադրություն է դարձվել ընդհանուր տարանցիկ և էներգետիկ նախագծերի առաջընթացին և իրականացմանը։ Կողմերը վերանայել են Ադրբեջանի, Վրաստանի և Թուրքիայի տարանցիկ ներուժը։ Այդ կապակցությամբ նրանք նշել են մոտ ապագայում Բաքու-Թբիլիսի-Կարս երկաթուղու լիարժեք իրականացման կարևորությունը, ինչպես նաև եռակողմ համագործակցության կարևորությունը «Միջին միջանցք»-ի հարցի միջազգային կարևորության արդիականացման լույսի ներքո: Նրանք պատրաստակամություն են հայտնել շարունակել համակարգված գործողությունները նշված նախագծերի իրականացման ուղղությամբ՝ ծրագրի մասնակից յուրաքանչյուր երկրի շահերին համապատասխան»,- հայտնում են Վրաստանի ԱԳՆ-ից:
Կողմերը շնորհավորել են Վրաստանին թեկնածուի կարգավիճակի և եվրաինտեգրման ճանապարհին ձեռք բերված հաջողությունների կապակցությամբ։
Եռակողմ նախարարների հանդիպման ավարտին ստորագրվել է համատեղ հայտարարություն՝ Բաքվի հռչակագիրը։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ուկրաինան անօդաչուներով հարվածներ է հասցնում Սոչիին. կան վիրավորներ
