Կառավարությունը «վարկադոզա» հիվանդություն ունի. հիմա էլ ազգովի վճարելու ենք ՀԷՑ-ի պարտքերը

Կառավարությունը հերթական անգամ վարկ է վերցնում, մարելու ՀԷՑ-ի՝ էլեկտրաէներգիա արտադրող կայաններին չվճարած գումարները: «Հայաստանի Էլեկտրական ցանցեր»-ը պարտքեր ունի Հայկական ատոմակայանին և «Երևանի Ջերմաէլեկտրակայան» ՓԲԸ-ին, ինչպես նաև վարկի միջոցով «Նաիրիտ» և «Վանաձոր Քիմպրոմ» ընկերություններին տրամադրված փոխառությունների հարցն է լուծվելու:

Համաշխարհային բանկի 30 մլն դոլար վարկը տրամադրվելու է 30 տարով, 14 տարի արտոնյալ ժամկետով և 1,5% -ով:

Նշենք, որ ՀԷՑ-ը 22.4 միլիարդ դրամ ժամկետանց պարտք է ունեցել պետական մասնակցությամբ ընկերություններին, և այդ է պատճառը, որ կառավարությունը որոշել է ոչ թե ՀԷՑ-ի գողերի ձեռքը բռնել, այլ ևս 30 մլն դոլարի վարկը դնել հարկատուների ուսերին:
Հայաստանում ով խաբում է, գողանում է, թալանում է, բոլորի համար վճարում են հարկատուները, և այն էլ, երբ Հայաստանում նվազագույն աշխատավարձը 55 հազար դրամ է, իսկ ՀԷՑ-ի աշխատակիցների աշխատավարձը, ըստ լուրերի, հաշվարկվում է 10-նյակ հազարավոր դոլարներով:

ՀԷՑ-ն այս պարտքը կուտակել է այն տարիներին, երբ ԶԼՄ-ներում տեղեկություններ կային ՀԷՑ-ի վարձակալած թանկարժեք բնակարանների, ավտոմեքենաների մասին: