Անկարայի պայթյունը ԱՄՆ-ի հովանավորյալներն են կատարել

Էրդողանը ուրբաթօրյա աղոթքից վերադառնալիս հարցազրույց է տվել լրագրողներին: Տեղեկացնում է sondakika.com կայքը:
Ուրբաթօրյա աղոթքից վերադարձող նախագահ Էրդողանին իրենց հարցերն են ուղղել լրագրողները: Անկարայի պայթյունի մասին խոսելիս, Էրդողանը հաստատել է, որ պայթյունը միանշանակ YPG-ի գործն է, ում զինում է ԱՄՆ-ը: Նա տեղեկացրել է, որ այսօր պատրաստվում է հեռախոսազրույց ունենալ ԱՄՆ նախագահ Օբամայի հետ:

«Արտգործնախարար Չավուշօղլուն զրուցել է իր ամերիկացի պաշտոնակից Քերրիի հետ, և հաստատել, որ պայթյունը ԱՄՆ-ի հովանավորյալներն են կազմակերպել: Այսօր ժամը 17:00-ին ես հեռախոսազրույց եմ ունենալու նախագահ Օբամայի հետ: Փորձելու եմ իրականությունը բացատրել, որ կամաց-կամաց հասկանան:

Ամիսներ առաջ 3 ինքնաթիռ զենք են ուղարկել, կեսը ԻՊ-ին, մյուս կեսը PYD-ին: Այդ ամբողջ զենքը օգտագործվել է խաղաղ բնակչության դեմ: Նույն բանն անում է նաև Ռուսաստանը: Ռուսաներն օգնում են Ասադի ուժերին, որոնք իրենց հերթին օգնում են PYD և YPG քրդական ահաբեկչական կազմակերպություններին հաստատվել Թուրքիայի հարավային սահմանների մոտ: Մենք նման բան թույլ չենք տա: Թուրքիայի տարածքից ռմբակոծվում են ահաբեկիչների դիրքերը և շարունակվելու են ռմբակոծվել: Մենք մեր սահմանների մոտ այսպիսի վտանգավոր իրավիճակ թույլ չենք տա»,-հայտարել է Էրդողանը: