Ռեալ Սոսյեդադում պատմել են Զախարյանի վերականգնման մասին

«Ռեալ Սոսյեդադի» հայազգի ֆուտբոլիստ Արսեն Զախարյանը բաց կթողնի այսօր՝ մարտի 9-ին, «Գրանադայի» հետ կայանալիք հանդիպումը։ Մինչ խաղադաշտ վերադառնալը ֆուտբոլիստը դեռ մի քանի օր պետք է մարզվի անհատական ​​ծրագրով։

«Նա դեռ պետք է աշխատի իր թիմակիցների հետ: Ինչ վերաբերում է ազգային հավաքական մեկնելուն, ապա կտեսնենք, թե ինչպես նա կապաքինվի մոտ օրերս»,- իսպանական ակումբի ներկայացուցիչների խոսքերն է մեջբերում RIA Novosti Sport-ը։

Հիշեցնենք, որ ավելի վաղ Զախարյանի շահերը ներկայացնող ֆուտբոլային գործակալ Գենադի Գոլուբինը հայտնել էր, որ իր հաճախորդը սրունքի մկանի թեթև վնասվածք է ստացել, ինչի պատճառով չի կարողացել մասնակցել Չեմպիոնների լիգայի 1/8 եզրափակչի՝ ՊՍԺ-ի հետ պատասխան հանդիպմանը, որը կայացել է մարտի 5-ին։

Ենթադրվում էր, որ Զախարյանը կապաքինվի «Գրանադայի» հետ հանդիպմանը (մարտի 9), սակայն Արսենը բաց կթողնի նաև այս խաղը։ Միևնույն ժամանակ, խաղացողի ներկայացուցիչը հայտարարել է, որ մարտին կայանալիք խաղերի համար Ռուսաստանի հավաքական մեկնելուն վտանգ չի սպառնում։

Աղբյուրը՝ Armsport.am: