«Մինչ մենք ռուսամետ-եվրոպամետ ենք խաղում, Ադրբեջանը խորացնում է իր գործընկերային հարաբերությունները ԵՄ-ի հետ». Տաթևիկ Հայրապետյան
Ադրբեջանագետ Տաթևիկ Հայրապետյանը ֆեյսբուքյան իր էջում գրում է.
«Մինչ մենք ռուսամետ-եվրոպամետ ենք խաղում, Ադրբեջանը խորացնում է իր գործընկերային հարաբերությունները ԵՄ-ի հետ։
Եթե մի կողմից Եվրոպական Խորհրդարանը ոչինչ չպարտադրող բանաձև է ընդունում՝ քննադատելով Ադրբեջանին, մյուս կողմից՝ էներգետիկ հարցերով ԵՄ հանձնակատար Քադրի Սիմսոնը ուղևորվում է Բաքու, նստում բռնապետ Ալիևի կողքին ու հայտարարում․ «Այսօր Հարավային գազային միջանցքից դեպի Եվրոպա գազի հոսքերը 46%-ով ավելի են, քան 2021 թվականին։ 2023 թվականին ԵՄ-ն Ադրբեջանից ստացել է գրեթե 11 մլրդ խորանարդ մետր գազի մատակարարումներ։
Եվ ահա ավելի ու ավելի մեծ թվով ԵՄ անդամ երկրներ և ընդլայնվող երկրներ շահագրգռված են Ադրբեջանից գազ ստանալու հարցում։ Ինչպես ասացի անցյալ տարի, դուք դառնում եք համաեվրոպական մատակարար։
Մենք ակնկալում ենք, որ Ադրբեջանից գազատարը կարևոր դեր կխաղա եվրոպական էներգետիկ համակարգում մեր էներգետիկ անցման ընթացքում։ Բախվելով ռուսական բռնության աճին և մեր դռների մոտ շարունակվող չարդարացված պատերազմին, ավելի ու ավելի պարզ է դառնում, որ Եվրոպայի համար Ռուսաստանի հետ էներգետիկ հարաբերություններում սովորական բիզնեսի վերադարձ չի լինի: Այդ տարածքն այժմ լրացվում է այլ վստահելի և վստահելի էներգետիկ գործընկերների կողմից: Եվ հենց դա էլ մենք գտանք Ադրբեջանում»։
Այսինքն՝ իրենք իբրև ՌԴ-ից գազ չեն գնում, քանի որ պատերազմ են նախաձեռնել ու ժողովրդավար չեն, բայց Ադրբեջանից, որը արել է նույն բաները, նաև բռնի տեղահանություն ու էթնիկ զտում իրականացրել, հաճույքով գնում են։ Այստեղ ունիկալն այն է, որ իրականում իրենք գնում են հենց ռուսական գազ, քանի որ Ադրբեջանը չունի նման պաշարներ, դրա համար էլ բոլորը ուրախ են այս գործարքի առթիվ։ Եվրոպան ունի իրական շահեր Ադրբեջանի հետ, իրենց հետաքրքիր չի ոչ մարդու իրավունքի թեման, ոչ այլ բան, բայց դա բնական է ու ոչ զարմանալի։
Անբնականն այն է, որ մեր հանրության մեջ շարունակում են կեղծ ու անպետք դիսկուրսներ ծավալվել՝ ՌԴ-ի ու Արևմուտքի մասին։ Սովորաբար դաշակցում են շահերի համար ու դրանց շուրջ, ՀՀ իշխանությունները չունեն ձևակերպված շահեր, չունեն օրակարգ, չկա բովանդակային աշխատանք, իսկ այդ պարագայում՝ դու շատ ավելի խոցելի ու վատ վիճակում ես, միակ զբաղվումքդ էլ մնում է ռուսամետ-եվրոպամետ անիմաստ խաղերով հանրությանը զբաղված պահելը»:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ուկրաինան անօդաչուներով հարվածներ է հասցնում Սոչիին. կան վիրավորներ
