Փաշինյանական իշխանությունը Հայաստանը դարձնելու է գուբերնյա․ Աբրահամ Գասպարյան

Քաղաքական աշխարհը գնում է ռազմատնտեսական և անվտանգային գոտիների վերաբաժանման։ Հայաստանի շուրջ ստեղծված պայթյունավտանգային իրավիճակից հնարավորինս քիչ կորուստներով հնարավորությունները չափելի չեն։ «Անկախության հռչակագիրը պե՛տք է պահպանել» թեմայով հրավիրված համաժողովին հայտարարեց «Ջենեսիս-Արմենիա» ուղեղային կենտրոն-հիմնադրամի ղեկավար Աբրահամ Գասպարյանը։

Նրա գնահատմամբ, Հայաստանի կողմից պոտենցյալ դաշնակիցներին սադրելու կործնարար քայլերը վիճարկելի են դարձրել Հայաստանի և հայ ժողովրդի անվտանգության ապահովման հնարավորությունը։ Ըստ Աբրահամ Գասպարյանի` սովորաբար, միջազգային հարաբերություններում էլիտաներն են որոշում նարատիվները։

«Աշխարհը դիրքավորվում է ըստ քո ներկայացրած թեզերի, ինչպես ես քեզ դիրքավորում»,- ասաց նա։

Թուրքական պետական էլիտաները համակերպվել էին մտքին, որ այս տարածաշրջանում պետք է լինի Օսմանյան կայսրության և Ցարական կայսրության միջև բուֆերային գոտի, որը պիտակվել է որպես Հայաստան։

«Հայաստանն ունի մեկ լուծում` ոչ թե կառչել, այլ իրավական լեգիտիմություն ունեցող հիմքը, որը կոչվում է Անկախության հռչակագիր, ատամներով մինչև վերջ պահել, որ չդառնա բուֆերային գոտի»,- ասաց նա։

Աբրահամ Գասպարյանն ընդգծում է, որ իշխանությունն իրավիճակի օբյեկտիվ գնահատման ու ողջամիտ լուծումներ գտնելու փոխարեն, պետության լինելիության հարցը կապել է մեկ անձի հետ, որի կամայականություններից է կախված ազգի ճակատագիրը։

«Առերևույթ կեղծ պայքար տանելով Հայաստանի գուբերնացման դեմ՝ փաշինյանական իշխանությունն իր տկարամիտ և գավառական մոտեցումներով, Հայաստանը դարձնելու է գուբերնյա»,- ասաց նա։