Արամի 30-ը չի կարող վերականգնվել «Հին Երևան» նախագծի շրջանակներում

Կառավարությունում լրագրողների հետ զրույցում ՀՀ քաղաքաշինության նախարար Նարեկ Սարգսյանը նշել էր, որ դիմել է «Հին Երևան» նախագծի տնօրենին, որ Արամի 30 շենքը վերականգնվի այնտեղ.«Արամի 30-ը հուշարձանների ցանկում չի եղել, սակայն դրա չափագրություններն ունենք»,-մանրամասնել էր նա:

«Մեր քաղաքը» նախաձեռնության ակտիվիստ Վարդան Գեր Ավետյանը  newspress.am-ի հետ զրույցում նշեց, որ Նարեկ Սարգսյանի մտադրությունը անիմաստ է և այս կերպ չեն կարող հասարակական զայրութը մեղմել. «ո՞վ էր ասում` գիշերը գողեգող քանդեին, որ հիմա էլ ուզում են տպավորություն ստեղծեն,թե ուզում են վերականգնեն, եթե քարերը չկան, ի՞նչ վերականգման մասին է խոսքը, միայն էսքիզը բավարար չէ»,-մանրամասնեց նա:

Վարդան Գեր Ավետյանի խոսքով՝ Արամ Մանուկյանի տուն էլ տանիքը քանդած թողել են, որ հետո էլ Աֆրիկյանների տան ճակատագրին արժանացնեն, պնդեն, որ սեյսմակայուն չէ, քանդեն, քարերի մի մասը կորցնեն, հետո էլ վերականգման խոստումներ տան:

«Նարեկաշինարությամբ զբաղվողը ամբողջ քաղաքը քանդեց: Քանդված համարակալաված շենքերի քարերի երեսուն տոկոսն է պահպանվել, ընդհանարպես Հին Երևան նախագիծը ինչպե՞ս են կյանքի կոչելու, ապօրինի քանդում են, մարդկանց դրսերը թողնում, հետո բիզնես շահեր առաջ տանում», -եզրափակեց նա: