Դպրոցի տնօրեններն ու ուսուցիչները հիմա էլ դաշնակ կդառնան. Անահիտ Բախշյան. (տեսանյութ)

«Չգիտեմ՝ ԿԳ նախարար Լևոն Մկրտչյանն է լինելու, թե չէ, շատ է ձգձգվում, բայց եթե ինքը լինի, անձամբ խնդիրները շարադրել եմ, որոնք կներկայացնեմ»,- «Անդրադարձ» մամուլի ակումբում լրագրողների հետ զրույցում ասաց Կրթության ազգային ինստիտուտի փոխտնօրեն, Երևանի ավագանում Բարև Երևան խմբակցության անդամ Անահիտ Բախշյանը: Նա միևնույն ժամանակ նկատեց, խնդիրները, սկսվել են հենց Լևոն Մկրտչյանի օրոք՝ 99թ-ից և շարունակվել են ՕԵԿ, ՀՅԴ, ՀՀԿ նախարարների կողմից, և ամեն մեկը յուրովի խորացրել է այդ խնդիրները:

Անահիտ Բախշյանի խոսքով ՝ կրթության ապակենտրոնացման խնդիրը թիվ մեկ խնդիրն է հանրակրթության մեջ, դպրոցի տնօրենի ընտրության կամ նշանակման հարցը մնում է չլուծված. «Կարևոր է, թե ինչ եք հասկանում ապակենտրոնացում ասելով, որի գաղափարը ներդնելու համար 15 մլն դոլար են ծախսել, 99-ից մինչև այսօր, բայց առայժմ գլորվում ենք հետ: Ըստ էության՝ եղած կարգը ոչ այլ ինչ է, քան տնօրենի նշանակում, այն ամենը ինչ համյանքում ծնողները, ովքեր ամենաշահագրգռվածը պետք է լինեն երեխաների կրթության որակով, մասնակցեն, ընտրեն, խորհրդի կազմում լինեն: Բայց դա չի գործում»,- մանրամասնեց նա:

Անահիտ Բախշյանը նաև ներկայացրեց Արմեն Աշոտյանի կողմից արված դրական և բացասական փոփոխությունները. «Աշոտյանը լավ էր, լավ չէր, ինքը ոլորտին սկսել էր տիրապետել, ներառական կրթության քաղաքականությունը օրենքով ամրագրվեց, ավագ դպրոցների խնդրին ուշադրություն դարձվեց»:

Ինչ վերբերում է բացասականին ապա, գլխավոր խնդիրը Արմեն Աշոտյանի ՀՀԿ փոխնախագհ լինելն է, բոլոր դպրոցները ավելի քաղաքականացվեցին, այնքան, որ նույնիսկ դպրոցի տնօրենները մոռացան իրենց առաքելության մասին և համատարած ՀՀԿ-ականներ դարձան, առաքելությունը համարեցին ընտրություններին լավ ցուցանիշ ցույց տալը: Բախշյանը միևնույն ժամանակ նկատեց, որ դպրոցներում ուսուցիչները և հատկապես տնօրեննները ՀՀԿ-ի շարքերից դուրս կգան. «դաշնակներ կդառնան: Ցավալի է, որ կրթության ոլորտն էլ է առևտրի առարկա դարձել»,-շեշտեց նա:

Մանրամասները` տեսանյութում