Պահպանել սեփական ինքնությունը. սա առանցքային է սփյուռքի յուրաքանչյուր հայի համար․ Սուրեն Պետրոսյան

Անցնող օրերին եվրոպական տարբեր երկրներում և քաղաքներում «Ժողովրդավարական համախմբում» կուսակցության նախագահ Սուրեն Պետրոսյանը և կուսակցության Արցախի ներկայացուցիչ Արթուր Հայրապետյանը շարունակում են «ՀԱՅԿԱԿԱՆ ՊԵՏՈՒԹՅՈՒՆԸ որպես համախմբման օրակարգ» խորագրով հանդիպումներ ունենալ սփյուռքի հայ համայնքների ներկայացուցիչների հետ, հայտնում են կուսակցության մամուլի ծառայությունից։ 

Հանդիպումներին զուգընթաց տեղի են ունենում նաև մշակութային այցելություններ։

Սուրբ Հոգի եկեղեցում, որը Արևմտյան Եվրոպայի ամենահին հայկական եկեղեցին է՝ օծված 1714 թվականին, նրանք մասնակցեցին պատարագի, որից հետո շրջելով եկեղեցուն կից տարածքում ծանոթացան Մեծ Եղեռնի զոհերի հիշատակին և 2020 թվականի 44-օրյա պատերազմի նահատակներին նվիրված խաչքարերին։