Հայաստանը ՄԻԵԴ-ի վճիռներով վճարել է 800 000 եվրո

ՄԻԵԴ կայացրած և վերջնական դարձած վճիռներով դիմումատուների կողմից պահանջվող շուրջ 15 մլն 36 հազար եվրոյից ՄԻԵԴ-ը բավարարել է մոտ 800 հազար եվրոյի պահանջը: Այս մասին newspress.am-ին տեղեկացնում են agent.echr.am կայքից:

Նշենք, որ ՀՀ քաղաքացիները ՄԻԵԴ են կարողացել դիմել 2002 թվականից, երբ Հայաստանը վավերացրել է կոնվենցիան, իսկ 2007 թվականին նոր առաջին վճիռն է կայացվել:

Մարդու իրավունքների եվրոպական դատարանն 2016թ-ի հունվարին ընդդեմ Հայաստանի երեք քաղաքացիների գործով վճիռ է կայացրել: Բոլոր երեք գործով էլ վճիռը ընդդեմ Հայաստանի է՝ հօգուտ դիմող կողմի: Խոսքը վերաբերվում է «Գույումչյանն ընդդեմ Հայաստանի», «Թովմասյանն ընդդեմ Հայաստանի» եւ «Սաֆարյանն ընդդեմ Հայաստանի» գործերին:

Երեք գործերով ՄԻԵԴ-ը Հայաստանին պարտավորեցրել է հայցվորներին, ընդհանուր առմամբ, 10 հազար 830 եվրո գումար վճարել:
2016 թվականի հունվարի դրությամբ ընդդեմ Հայաստանի կայացվել է 63 վճիռ: