Իրենք չեն մտնում մարդկանց վիճակի մեջ, քաղաքային բյուջեն պետք է սուբսիդավորի տրանսպորտի գինը, եթե չի հերիքում` պետությունը պետք է օգնի. Հայկ Մարությանը շնորհավորում է երևանցիներին (տեսանյութ)

Տրանսպորտի թանկացումը որոշում էր, որն ուղղակի մեր ժողովուրդը մերժեց, սա նաև ապացուցեց, որ իրենք ոչ մի ունակություն չունեն կառավարելու, ընդհանրապես չեն հասկանում ժողովրդի շունչը, չեն մտնում մարդկանց վիճակի մեջ, տեղյակ չեն ոչ մի բանից, չեն անում ոչ մի հաշվարկ: Այս մասին ֆեյսբուքյան իր էջի ուղիղ եթերում ասել է Երևանի նախկին քաղաքապետ Հայկ Մարությանը` անդրադառնալով փոխքաղաքապետ Սուրեն Գրիգորյանի հայտնած այն տեղեկությանը, ըստ որի տրանսպորտի թանկացման հարցը հանվել է քաղաքապետարանի առաջիկանիստի օրակարգից: 

«Իրենք ասում են` բա ի՞նչ անենք, տրանսպորտը թանկ է նստում, իհարկե, պարզ է, որ թանկ է նստում, բայց ամբողջ աշխարհում է թանկ նստում, ընդ որում` արևմտյան քաղաքներում շատ ավելի մեծ աշխատավարձեր են ստանում վարորդները և տրանսպորտը շատ ավելի լավն է, դրա համար շատ ավելի թանկ է, բայց գները շատ, շատ ավելի ցածր են: Ինչպե՞ս է դա արվում: Դրա անունը սուբսիդիա է, եթե չգիտեք` գնացեք ուսումնասիրեք: Եվ քաղաքը քաղաքային իր բյուջեից պետք է սուբսիդավորի, եթե չի հերիքում` պետությունը պետք է օգնի և պետբյուջեից պիտի սուբսիդավորի: Իրենք ասում են, որ դա նույն բանն է` մի գրպանից` մյուս գրպանը: Բացարձակ այդպես չի, որովհետև թե' քաղաքային, թե' պետբյուջեն լցվում է ավելի հարուստ մարդկանց գումարներով»,- ասել է Մարությանը` բացատրելով, թե ինչպես է ստացվում, որ այդկերպ հարուստ ապրող մարդիկ ավելի շատ են վճարում ստրանսպորտի համար, քան ավելի համեստ ապրողները: 

Մանրամասները` տեսանյութում