Վրաստանում հայտնաբերվել է Օդեսայից Վորոնեժ ուղևորվող պայթուցիկով բեռ. կասկածյալների մեջ ՀՀ քաղաքացի կա

Վրացական հետախուզական ծառայությունները կալանել են պայթուցիկ պարունակող բեռ, որն Օդեսայից Վորոնեժ էր ուղարկվել Ռումինիայի, Բուլղարիայի և Թուրքիայի տարածքներով և հավանաբար նախատեսված էր ահաբեկչություններ իրականացնելու համար։ Այս մասին, TACC-ի փոխանցմամբ, հայտնել է Վրաստանի պետական ​​անվտանգության ծառայությունը։

«Պարզվել է, որ հունվարի 19-ին Ուկրաինայի Օդեսա քաղաքից Վրաստան են բերվել պայթուցիկ սարքեր և նյութեր՝ Ռումինիայի, Բուլղարիայի և Թուրքիայի տարածքով Սարպի անցակետով Ուկրաինայի քաղաքացուն պատկանող մինիվեն տիպի ավտոմեքենայով անցնելով։ Ծրագրվել է տեղափոխել [պայթուցիկները] Ռուսաստանի Դաշնություն՝ Վորոնեժ քաղաք՝ Դարյալի անցակետով»,- ասվում է հաղորդագրության մեջ։

Ըստ Պետանվտանգության ծառայության՝ «Վրաստանի տարածքի օգտագործումը և Վրաստանի քաղաքացիների ներգրավումն այս գործընթացին նպատակ ուներ ձևավորել իմիտացիա, թե Վրաստանում կամ արտերկրում իրականացված ահաբեկչական գործողությունների համար պատասխանատվությունը Վրաստանի վրա է»:

Վրաստանի Պետական ​​անվտանգության ծառայության տվյալներով՝ Վրաստանի, Ուկրաինայի և Հայաստանի քաղաքացիները ներգրավված են եղել երկրի տարածքով Ռուսաստանի Դաշնություն պայթուցիկ նյութեր տեղափոխելու գործում, գործընթացը կազմակերպել է Ուկրաինան։

Հետախուզական ծառայությունը պարզաբանել է, որ պայթուցիկ նյութերի տեղափոխման հետևում կանգնած է Զելենսկու կուսակցության պատգամավոր Անդրեյ Շարաշիձեն։