«Ազգային վերասնունդ». փոխել մեկ տառ եւ ստանալ ավելի ճշգրիտ ձեւակերպում. «ՉԻ»

«Ավելի քան երեք տարի սփյուռքում գործող «Հայկական վերածնունդ» կազմակերպությունը հայտարարություն է տարածել, որով «Օրինաց երկիր» կուսակցությանն ու Արթուր Բաղդասարյանին մեղադրում է իրենց կազմակերպության անունը կրկնօրինակելու մեջ եւ դա գնահատում որպես գողություն:

«ՉԻ» – Ինչ խոսք՝ տհաճ պատմություն է: Չէ, որեւէ մեկի մտքով, իհարկե, չի անցնի Արթուր Բաղդասարյանի նման ազնվագույն մարդուն մեղադրել գողության մեջ: Մանավանդ որ հայտնի էլ չէ՝ սփյուռքում գործող այդ կազմակերպությունը գրանցվա՞ծ է Հայաստանում, թե ոչ:

Բայց ամեն դեպքում Արթուր Բաղդասարյանին խորհուրդ կտայինք հետագա գլխացավանքից խուսափելու համար վարվել այնպես, ինչպես սովորաբար վարվում են Հայաստանում, երբ պետք է ինչ-որ ապրանքանիշ կեղծել:

Այսինքն փոխել ընդամենը մեկ տառ եւ նորաստեղծ կուսակցության անունը դնել «Ազգային վերասնունդ»: Դա, ի դեպ, շատ ավելի ճշգրիտ կարտահայտի նորաստեղծ կուսակցության նպատակները: Վերջին հաշվով՝ ամեն ինչ արվում է վերստին սնվելու համար, այնպես որ՝ «վերասնունդ» բառն ավելի տեղին է»:

Առավել մանրամասն՝ թերթի այսօրվա համարում