Ավարտվել է կաշառքի միջնորդության փորձ կատարելու գործի նախաքննությունը
Քաղաքացի Կարինե Շ.-ի հաղորդման կապակցությամբ ՀՀ ոստիկանության ներքին անվտանգության վարչությունում նախապատրաստված նյութերի հիման վրա ՀՀ հատուկ քննչական ծառայությունում հարուցված քրեական գործի նախաքննությամբ պարզվել է, որ 2015թ.-ի մայիսի 18-ին՝ ժամը 01:30-ի սահմաններում, ՀՀ ոստիկանության Արարատի մարզային վարչության Մասիսի բաժնի օպերլիազոր Ժորա Հակոբյանը, Մասիս քաղաքում ծառայություն իրականացնելիս, թմրամիջոց պահելու և օգտագործելու կասկածանքով ՀՀ ոստիկանության Մասիսի բաժին բերման է ենթարկել Թադևոս Մանուկյանին և Հենզել Կարեյանին, իսկ վերջինիս ավտոմեքենայի զննությամբ հայտնաբերել է Թ. Մանուկյանին պատկանող 3.47 գրամ «Սփայս» տեսակի թմրամիջոց: Այս մասին հայտնում է ՀՔԾ լրատվական ծառայությունը:
Թ. Մանուկյանին և Հ. Կարեյանին քրեական պատասխանատվությունից կաշառք տալու միջոցով ազատելու, կաշառքի առարկայի ու չափի մասին համաձայնության գալու նպատակով Ժորա Հակոբյանի ընկերը՝ Արմեն Գևորգյանը, դիմել է վերջինիս, ով ի պաշտոնե քաջատեղյակ լինելով, որ «Սփայս» տեսակի թմրամիջոցը ՀՀ քրեական օրենսգրքի՝ թմրամիջոցների և հոգեմետ (հոգեներգործուն) նյութերի զգալի, խոշոր և առանձնապես խոշոր չափերը սահմանող թիվ մեկ հավելվածում ընդգրկված չէ և այդ պատճառով Թադևոս Մանուկյանը և Հենզել Կարեյանը ենթակա չեն քրեական պատասխանատվության, խեղաթյուրելով իրականությունը, պատրանք ստեղծելով, իբր, ի պաշտոնե իր լիազորությունների շրջանակում կարող է նրանց օգտին գործողություններ կատարել և ազատել քրեական պատասխանատվությունից, խաբեությամբ, պաշտոնեական դիրքն օգտագործելով, կաշառք ստանալու պատրվակով զգալի չափերի հափշտակություն կատարելու դիտավորությամբ պահանջել և Արմեն Գևորգյանի միջոցով ստացել ու հափշտակել է Հենզել Կարեյանին պատկանող 400 հազ. ՀՀ դրամը:
Նախաքննության ընթացքում Ժորա Հակոբյանին մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 1.1 և 5-րդ կետերով, իսկ Արմեն Գևորգյանին` ՀՀ քրեական օրենսգրքի 34-313-րդ հոդվածի 1-ին մասով:
Ավարտվել է քրեական գործի նախաքննությունը և մեղադրական եզրակացությամբ հանձնվել դատավարական հսկողություն իրականացնող դատախազին՝ այն հաստատելու և դատարան ուղարկելու համար:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Փաշինյանը Ռուսաստան է գնալու
Քանի ես վարչապետ եմ ջախջախելու եմ․ այն քաղաքացիները, ովքեր համաձայն չեն դրան, թող փողոց դուրս գան՝ հ...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
Ավտովթար Աշտարակի Տիգրան Մեծ փողոցում․ վթարի է ենթարկվել երեխաներին էքսկուրսիա տանող ավտոբուսը (տեսա...
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
