Մեր գումարները կլանվում ու գրապանվում են նաև տերմինալների միջոցով

Մեր առօրյայում հայտնված վճարային տերմինալները, որքան արագ ու ինտեսիվ են կազմակերպում բանկային վճարումները, նույնքան էլ արագ ու ինտեսիվ դատարկում են մեր գրպանենրը:
Իհարկե լավ է, որ ցանկացած վճարում կարողանում ենք կատարել հենց աշխատանքի կամ տուն գնալու ճանապարհին: Թերևս այս արագությունն էլ հաշվի առնելով՝ մեզանից ոչ-ոք ուշադրություն չի դարձնում տերմինալով մուտքի դեպքում սպասարկման համար պահվող գումարների չափին, մինչդեռ դրանք զգալի են:

Միանգամից ուզում եմ անդրադառնալ բջջային հեռախոսահամարների լիցքավորելու խնդրին:

Մինչև 2000 դրամ լիցքավորելու դեպքում տերմինալները եթե սկզբում պահում էին 30, ապա այսօր արդեն 35 դրամ: Չի բացառվում, որ այս թիվը կարող է նաև աճել, սակայն այս պահին դա չէ խնդիրը:

Newspress.am-ի թղթակիցը տերմինալով մուտք է արել 500 դրամ, սակայն տերմինալը «հասկացել է» 200 դրամ, սրանից էլ պահել է 35 դրամ և լիցքավորել միայն 165-ը: Այսինքն, ստացվում է, որ 500 դրամից տերմինալը պահեց 335 դրամ: Եվ սա եզակի դեպք չէ: Newspress-ին նման ահազագեր էլի են եղել:

Տերմինալները սպասարկող ծառայությունները սա բացատրում են տերմինալի անսարքությամբ, որ իբր հարթվում է քաղաքացիների զանգերով:
Նկատենք, որ գումարը մուտք անելիս՝ տերմինալը կտրոն է տալիս: Սակայն հաշվի առնելով այն, որ տերմինալենրի մոտ դրված աղբարկղերը մշտապես լցված են լինում այդ կտրոններով, կարելի է ենթադրել, որ շատերը նույնիսկ տեղյակ չեն, որ տերմինալի անճշտությունների հետ կապված հարցերով կարող են զանգահարել հենց այդ կտրոնի վրա նշված համարներով ու օրվա մեջ հարյուրավոր դրամներ, փաստորեն, կլանվում ու գրապանվում են տերմինալների միջոցով:

Newspress.am-ի թղթակիցը կտրոնի վրա նշված հեռախոսահամարով փորձեց ճշտել, թե ինչ է լինելու իր լիցքավորած մնացած 300 դրամի հետ և օրվա մեջ քանի նմանատիպ զանգ են ստանում: Մի քանի վայրկյան լռությունից հետո, օպերատորը պատասխանեց, «բայց ինչ կապ ունի, թե քանի զանգ ենք ստանում, դուք խնդիր ունեք` Ձեր խնդիրը ներկայացրեք»: Ասացի, որ լրագրող եմ: Դարձյալ մի քանի վայրկյան լռելուց ու հավանաբար ինչ-որ մեկի հետ խորհրդակցելուց հետո՝ պատասխանեց, թե հեռախոսով տեղեկատվություն չեն տրամադրում և կարող ենք դիմել իրենց գրասենյակ:

Ինչ վերաբերում է 300 դրամին, ապա նա տեղեկացրեց, որ 72 ժամվա, այսինքն 3 օրվա ընթացքում խնդիրը կուսումնասիրվի և, եթե դա տերմինալի սխալը լինի, ապա այդ տարբերությունը կփոխանցվի հեռախոսահամարին: Սակայն նկատենք, որ հաստատվելու դեպքում էլ, դարձյալ, մնացած 300 դրամից կպահիվի 35 դրամը:

«Համակարգն է այդպես, մենք կապ չունենք, համակարգչային մեխանիզմ է, որը մեխանիկորեն պահում է այդ գումարը»,-ասաց տերմինալի ծառայության մեկ այլ աշխատակցուհի: