Մեղավորներին ապաշխարության կոչելու և ապաշխարողների արձակման կարգեր կկատարվեն

Առաջավորաց պահքի ընթացքում` հունվարի 22- 26-ը, Արարատյան Հայրապետական թեմի առաջնորդական փոխանորդ Գերաշնորհ Տեր Նավասարդ արքեպիսկոպոս Կճոյանի օրհնությամբ Կաթողիկե Սուրբ Աստվածածին եւ Սուրբ Աննա եկեղեցիները բաց կլինեն շուրջօրյա։  
Ամբողջ օրվա ու գիշերվա ընթացքում անցկացվելու են Հայ Եկեղեցու 9 ժամերգությունները (ժամանակցույցը` ստորեւ)։

Հունվարի 23-ին` ժամը 10-ին` Արեւագալի ժամերգության ավարտին, Արարատյան Հայրապետական թեմի Սուրբ Աննա եկեղեցում կատարվելու է  Մեղավորներին ապաշխարության կոչելու կարգ։ Հայտնում են Արարատյան Հայրապետական Թեմի մամուլի ծառայությունից։ 

Հունվարի 26-ին` ժամը 17.00-ի երեկոյան ժամերգության ավարտին, կկատարվի Ապաշխարողների արձակման կարգ։ 

Առաջավորաց պահքը տարվա առաջին շաբաթապահքն է։

Ժամերգությունների ժամանակացույցը

9.00- Արեւագալի 
11.00 - ճաշու 3-րդ ժամի
13.00-  ճաշու 6-րդ ժամի
15.00 - ճաշու 9-րդ ժամի
17.00 - երեկոյան 
20.00 - խաղաղական 
23.00 - հանգստյան  
02.00 - գիշերային 
05.00 - առավոտյան