Ալեն Սիմոնյանը թանկարժեք պայմանագրեր է կնքել իր վաղեմի բարեկամի ընկերության հետ. «մեղքերն է ուզում քավել». «Ժողովուրդ»
«Ժողովուրդ» օրաթերթը գրում է.
«ՀՀ Ազգային ժողովը նախորդ տարվա՝ 2023 թվականի վերջին շաբաթվա ընթացքում կնքել է ապահովագրական 2 գործարքի պայմանագիր։
Պայմանագրերից մեկի արժեքը կազմել է 2 մլն 057 հազար դրամ, որը Ազգային ժողովի՝ 2024 թվականի կարիքների համար տրանսպորտային միջոցների ապահովագրման ԱՊՊԱ ծառայությունների ձեռք բերման համար է։ Գործարքի կատարողը «Գործակալ 1» ՍՊԸ-ն է, սակայն ապահովագրություն իրականացնող ընկերությունները եղել են «Սիլ Ինշուրանս»-ն ու «Լիգա Ինշուրանս»-ը։ Պայմանագրով ապահովագրվել է 41 մեքենա՝ Toyota, BMW, Nissan և Mercedes մակնիշների։
Գաղտնիք չէ, որ «Սիլ Ինշուրանս» ապահովագրական ընկերությունը պատկանում է ՀՀ ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանին։ Վերջինս երկար տարիներ եղել է Ալեն Սիմոնյանի գործատուն և մեծ ավանդ է ունեցել Սիմոնյանի կայացման գործում:
Հավելենք, որ մեկ այլ ապահովագրական պայմանագրի արժեքը կազմում է 1 մլն 936 հազար դրամ, որը 1 տարով ապահովագրություն է մեկ մեքենայի համար։ Այդ մեքենան պատկանում է ՀՀ ԱԺ նախագահ Ալեն Սիմոնյանին. BMW 750Li ծառայողական մեքենան է, որը ձեռք է բերվել 2022 թվականին 90 մլն դրամով։ Նշենք նաև, որ նույն մեքենան ապահովագրվել էր նաև նախորդ պայմանագով։ 2-րդ պայմանագիրն իրենից ենթադրում է «ԿԱՍԿՈ» ապահովագրություն, որը ենթադրում է ապահովագրություն ճանապարհային պատահարներից, վնասվածքներից, որոնք ստացել է թռչող կամ վայր ընկնող առարկաներից, երրորդ անձանց հակաօրինական գործողություններից։ Այն ենթադրում է 100% ապահովագրական փոխհատուցում։
Ինչպես վերը նկատեցինք, նման թանկարժեք պայմանագրեր Ալեն Սիմոնյանը կնքել է իր վաղեմի բարեկամի ընկերության հետ ըստ երևույթին իրենց հարաբերությունների վատացման պատճառով, որպեսզի քավի իր մեղքերը Խաչատուր Սուքիասյանի առաջ: Բանն այն է, որ նախորդ տարվա ԱԺ նիստերից մեկում Ալեն Սիմոնյանը նկատողություն արեց Խաչատուր Սուքիասյանին դահլիճում կողքին նստածի հետ զրուցելու համար, ինչին ի պատասխան՝ Սուքիասյանը նախատեց, որ մյուս անգամ իրեն նկատողություն չանի: Հիմա Ալեն Սիմոնյանը փորձում է իր նախկին ղեկավարին կրկին հաճոյանալ նոր պայմանագրերի կնքման միջոցով»։
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Քաղաքական մեսի՞ջ․ այսօր՝ սրտիկներ ադրբեջանական երգի ներքո, վաղը՝ պար ադրբեջանական դուդուկի տակ
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
«Սաղիդ դոսյեները սեղանիս է, ինձ հունից չհանեք». Մխոն տեղը չի գտնում. «Իրավունք»
