Սերժ Սարգսյանի փետրվարյան ելույթներն ու քաղաքական դասերը

Քաղաքական, հասարակական շրջանակներում շարունակում են քննարկել նախագահի վերջին ելույթը: Մինչ հանրապետականները պնդում են, որ Սերժ Սարգսյանի խոսքերը ժողովրդի սրտից բխած խոսքեր են, վերլուծաբաններն ու իշխանության շրջանակներից դուրս գտնվողները հակադարձում են` նախագահի ելույթը իրականությունից կտրված էր: Սա ամենամեղմ քննադատությունն էր: ՄԻՊ նախկին պաշտպան Լարիսա Ալավերդյանը այսօր լրագրողների հետ հանդիպմանը նշել է, որ երկրի նախագահի խոսքը պետք է այդպիսին չլինի:

«Սերժ Սարգսյանի ճառ գրողները կամ փոխվել են, կամ կա խնդիր, թեկուզ տեխնիկական բնույթի: Նախագահի խոսքը պետք է պատրաստեն վերին աստիճանի պրոֆեսիոնալներ, որ հայկական խոսքի ռիթմը պահպանվի: Կներեք, բայց այս ճառը վերցված էր մեկ այլ առաջնորդի ճառից»,-մանրամասնել է նա:

Երբ լրագրողները հետաքրքրվել են, արդյոք Օբամայի ճառից է վերցված, Ալավերդյանը պատասխանել է Օբամայի ճառից չէ վերցված, մնում է Պուտինի ելույթը:

Ալավերդյանի խոսքով՝ պատասխանատվության մասին է խոսում, արդարության մասին, դատարանների մասին, բայց հարց է առաջանում ինչն էր խանգարում, որ այս տարիների ընթացքում փոփոխություններ լիենեն. եթե կա Սուրիկ Խաչատրյանի և նրա ընտանիքի հետ կապված հայտնի դատական որոշումները: Այդ ելույթը զարգացման միտված ելույթ չէր»,-եզափակել է Լարիսա Ալավերդյանը:

Անկախ քննադատություններից և գովեստի խոսքերից ակնհայտ է այն, որ Սերժ Սարգսյանը իր այս ելույթով թե սեփական թիմակիցներին և թե մնացած ուժերին հասկացրեց, որ քաղաքականությունից, ավելին իշխանության ղեկից հեռանալու ծրագրեր չունի, և առանվազն մի քանի տարի դեռ ինքն է թելադրող լինելու: Սա պարզ երևում է նաև ընտրական համակարգի, սահամանադրական փոփոխությունների վերաբերյալ խոսքերից: Ակնահայտ է, որ Սերժ Սարգսյանը փորձում է ամրապնդել դիրքերը նախագահի պաշտոնավարումից հետո, կրկին իշխանության ղեկին հայտնվելու համար: Նախագահը նաև ակնարկել էր, որ մնացած ուժերը, կուսակցությունները հետագայի համար հանգիստ չլինեն որևէ կուսակցության կամ անհատի տեղը ապագա խորհրդարանում երաշխավորված չէ: Խոսքը վերաբերում է ՀՅԴ-ին ու ԲՀԿ-ին, ու եթե ՀՅԴ-ն դեռ պաշտոնապես չի ստացել, այն ինչ նրան խոստացվել է, ապա ԲՀԿ-ն բոլորվին այլ վիճակում է հայտնվել, նրան ոչինչ չեն խոստացել ու չնայած դրան ԲՀԿ-ն քայլ առաջ է անում դեպի Սերժ Սարգսյանը՝ ասելով, որ նախագահի խոսքերը նոր քաղաքական դարաշրջանի սկիզբ դրեցին:

Մինչդեռ նույն ԲՀԿ-ի համար քաղաքական դարաշրջանն ավարտեց նախորդ տարի հենց փետրվարի տասներկուսին՝ կրկին նախագահի ելույթով, որով Ծառուկյանը բավականին կոշտ միջոցով քաղաքականությունից դուրս հրավիրվեց: Պարզպես Ծառուկյանի ստվերը դեռ հետևում էր ԲՀԿ-ին, այլապես չէր բացառվում, որ Վահան Բաբայանը Արմեն Աշոտյանի և Կարեն Ավագյանի նման ողջուներ Սերժ Սարգսյանի խոսքերն ուղղված Ծառուկյանին: