ԱԱԾ նոր տնօրենը լուսանկարից ազնիվ դեմքով է նայում Գուրգեն Եղիազարյանին

ԱԱԾ նախկին տնօրեն տեղակալ Գուրգեն Եղիազարյանը ողջունում է Սերժ Սարգսյանի կողմից ԱԱԾ տնօրենի պաշտոնում Գերոգի Կուտոյանի նշանակումը:

Newpress.am -ի հետ Եղիազարյանը ասաց, որ ճիշտ չէր լինի, եթե պետ նշանակվեր նույն կառույցից, քանի որ Գորիկ Հակոբյանը նշանակվել է ՀՀ նախագահի խորհրդական. «կլիներ, որ ոչինչ չի փոխվել»:

Նա նաև նշեց, որ Կոտոյանը երիտասարդ, լավ կրթություն ունեցող կադր է, եթե թողնեն աշխատանքի մեջ խորանա, լավ կլինի մեր երկրի, մեր պետականության համար, հակառակ դեպքում շատ հնարավոր է, որ երեք ամսում երիտասարդին վարկաբեկեն:

«Ամեն դեպքում երեսունհինգ տարեկանը շատ ավելի լավ կարող է աշխատել, քան յոթանասունը, իսկ փորձը կլինի տարիների ընթացքում, փորձի դիմաց ազնվությունն է ու կթությունը»,- նկատեց նախկին ԱԱԾ-ականը:

Գուրգեն Եղիազարյանից հետաքրքրվեցինք, որտեղի՞ց գիտի, որ Կուտոյանը ազնիվ է, հանդիպե՞լ է հետը, վերջինս պատասխանեց. «լուսնկարից մեզ ազնիվ դեմքով երիտասարդ է նայում»:

Հետաքրքիր է նաև այն, որ Գերոգի Կուտոյանը 2011-2014թթ. եղել է ՀՀ Նախագահի հրամանագրով ստեղծված Կոռուպցիայի դեմ պայքարի խորհրդին առընթեր հակակոռուպցիոն ռազմավարության իրականացման մոնիտորինգի հանձնաժողովի նախագահը: Գուրգեն Եղիազարյանը չի բացառում, որ նա կարող է իր ունեցած «դոսյեն» օգտագործել:

«Շատ ավելի լավ, Հռոմը կործանվեց, որովհետև կոռուպցիայի մեջ էր թաթախված, կոռպցիայի դեմ լրջագույն պայքար պիտի տանել, էնպես որ բարի երթ մաղթենք երիտասարդին»,- եզրափակեց Եղիազարյանը: