ՀՀ-ում Վրաստանի դեսպանը հուսով է, որ Բաքուն և Երևանը կկարողանան խաղաղության պայմանագիր կնքել 2024 թվականին
Վրաստանը շարունակում է ակտիվ միջնորդական ջանքերը Ադրբեջանի և Հայաստանի միջև։ Ինչպես հաղորդում է ԱՊԱ-ն, այս մասին Վրաստանի խորհրդարանի արտաքին հարաբերությունների հանձնաժողովում կայացած լսումներից հետո լրագրողների հետ զրույցում ասել է Ադրբեջանում Վրաստանի դեսպան Զուրաբ Պատարաձեն։
Նա նշել է, որ միջնորդությունը կշարունակվի Վրաստանի տարբեր պետական կառույցների ներկայացուցիչների, առաջին հերթին՝ վարչապետ Իրակլի Ղարիբաշվիլիի մասնակցությամբ՝ տարածաշրջանում մեկընդմիշտ խաղաղություն հաստատելու համար։ Դեսպանը հավելել է, որ այսօր հանձնաժողովի լսումների ժամանակ բազմիցս հիշատակվել է վարչապետ Իրակլի Ղարիբաշվիլիի «Բարիդրացիության նախաձեռնությունը». «Վստահ եմ, որ մեր կառավարության և մեր մեծ թիմի աջակցությամբ մենք արդյունքի կհասնենք»։
Պատարաձեն հավելել է, որ վարչապետ Իրակլի Ղարիբաշվիլիի միջնորդությամբ Ադրբեջանի և Հայաստանի միջև կալանավորների փոխանակման շուրջ համաձայնության հասնելը վրացական միջնորդության առաջին փուլն է։ Դրանից հետո երեք երկրների արտգործնախարարները հանդիպել են Թբիլիսիում։ Ի վերջո, Ադրբեջանի վարչապետ Ալի Ասադովը և Հայաստանի վարչապետ Նիկոլ Փաշինյանը այցելեցին Թբիլիսի՝ մասնակցելու Թբիլիսիի «Մետաքսի ճանապարհի ֆորումին», և այդ ժամանակ վրացական կողմը հնարավորություն է ունեցել շարունակել երկխոսությունն այս ուղղությամբ։ «Կարծում եմ, որ շատ կարևոր է շարունակել այս գործընթացները։ Հաջորդ տարի շատ կարևոր փոփոխություններ են լինելու, և դուք ականատես կլինեք այս բոլոր գործընթացներին»։
Վրաստանի խորհրդարանի արտաքին հարաբերությունների հանձնաժողովում կայացած լսումներից հետո լրագրողների հետ զրույցում Հայաստանում Վրաստանի դեսպան Գեորգի Շարվաշիձեն ասել է․ «Հայաստանի և Ադրբեջանի միջև խաղաղության բանակցությունները շարունակվում են բոլոր մակարդակներում»։ Նա նշել է, որ երկու երկրներն էլ դրական են վերաբերվել Վրաստանի վարչապետ Իրակլի Ղարիբաշվիլիի «Բարիդրացիության նախաձեռնություն» նախագծին, և այս ձևաչափով աշխատանքը շարունակվում է։
«Արդեն մի շարք հանդիպումներ են եղել, և ես վստահ եմ, որ դրանք կշարունակվեն։ Այս ձևաչափով աշխատանքը շարունակվում է»։
Դիվանագետը հույս է հայտնել, որ կողմերին կհաջողվի խաղաղության պայմանագիր կնքել 2024 թվականին։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
