Մարտահրավերները չեզոքացնելու համար Սերժ Սարգսյանը ութ տարի ուներ. Արմեն Բադալյան

«Սերժ Սարգսյանի ելույթի Հայասատանն ու իրական Հայաստանը բոլորովին տարբեր են:  Սերժ Սարգսյանը վերջին ելույթով ուզում էր ցույց տալ, որ դեռ շարունակում է գործել»,- newspress.am-ի հետ զրույցում ասաց քաղտեխնոլոգ Արմեն Բադալյանը:

Ըստ նրա՝ նախագահն ընդամենը ցանկացել է լրատվամիջոցների ուշադրությունը սևեռել իր վրա: Արմեն Բադալյանի դիտարկամամբ` Սերժ Սարգսյանի ելույթները 2008թ-ից սկսած մի բան են ասում, իսկ գործողությունները` բոլորվին այլ. «Սերժ Սարգսյանը ասում էր, որ Երևան-Ստեփանակերտ չվերթը լինելու է, առաջին ուղևորն էլ ինքն է լինելու, ԵՄ-ի ասոցացման մասին էլ էր ելույթ ունենում, տեսանք: Այսպես որքան ասես կարող ենք թվարկել»:

Արմեն Բադալյանը կարծում է, որ Սերժ Սարգսյանն իր պաշտոնավարաման ընթացքում ոչ մի լուրջ փոփոխություններ չի արել , ուստի նրա ելույթները լուրջ կարող են ընկալվել միայն ՀՀԿ-ի համար, և նրա հետ գործակցել ցանակցող որոշ ուժերի համար:

Քաղտեխնոլոգը նշեց, որ նախագահի ելույթի առանձին դրվագներին անդրադառնալու անգամ կարիք չկա, քանի որ իրականությունը չարտահայտող մտքեր կային: Մասանավորապես, սահամանդրական փոփոխությունների մասով:

«Սերժ Սարգսյանը համոզմունք էր հայտնել, որ կարճ ժամանակահատվածում Սահմանադրությունը դառնալու է ազգային համաձայնության փաստաթուղթ, այդ ինչպես, եթե չորս հարյուր հազար քաղաքացի ոչ է ասել, իսկ միջազգային կառույցները ու հասարակությունները հանրաքվեի կեղծիքների մասին մինչ օրս խոսում են»,-նշեց մեր զրուցակիցը:

Սերժ Սարգսյանը նաև ասել էր, որ անհավասարությունը, անարդարությունը, անպատժելիությունը, հիասթափված ժողովուրդը, աղքատությունը, արտագաղթը՝ սրանք ցանկացած պետության, այդ թվում Հայաստանի Հանրապետության համար մարտահրավերներ են. «այդ մարտահրավերների դեմ պայաքարելու, չեզոքացնելու համար Սերժ Սարգսյանը ութ տարի ուներ … »,- մանրամասնեց Բադալյանը:

Նրա կարծիքով` Սերժ Սարգսյանը չի ուզել ելույթում անդրադառնալ Դաշնակցության հետ կոալիցիային, որպեսզի ամբողջ ուշադրությունը իր վրա սևեռվի: