Տյումեն-Ադլեր գնացքից դուրս է բերվել ավելի քան 100 երեխա, մեկ աղջիկ մահացել է. ի՞նչ է հայտնի

Սարատովի մարզում հարյուրից ավելի երեխաների դուրս են բերել Տյումենից Ադլեր գնացքից և ուղարկել հիվանդանոց։ Շրջանի ղեկավար Ռոման Բուսարգինը հայտնել է, որ պատճառը մեկ երեխայի մոտ ջերմաստիճանի բարձրացումն է։ Այս մասին գրում է Lenta.ru-ն: 

Ավելի ուշ տեղեկություններ են հայտնվել, ըստ որոնց հիվանդ մեկ աղջկա կյանքը չի հաջողվել փրկել։ Ռոսպոտրեբնադզորը շարժական լաբորատորիա է տեղակայել, իրավիճակը գտնվում է գերատեսչության հատուկ հսկողության տակ։

Տասնյակ երեխաներ հոսպիտալացվել են սուր շնչառական վիրուսային վարակի ախտանշաններով

Ըստ «112» Telegram ալիքի` 126 երեխաներից և 11 ուղեկցողներից բաղկացած խումբը վերադառնալիս է եղել Սիբիր կատարած ուղևորությունից, երբ մի քանի երեխայի մոտ անմիջապես ի հայտ է եկել սուր շնչառական վիրուսային վարակի ախտանշաններ: Բոլոր անչափահասները Լուգանսկի Ժողովրդական Հանրապետության բնակիչներ են: Նրանք հանգստանում էին Տյումենի «Օլիմպիական երեխաներ» ճամբարում։ Երբ գնացքն անցնելիս է եղել Պենզայի շրջանով, 12-ամյա աշակերտուհին վատացել է, նա կորցրել է գիտակցությունը և նրան փրկել չի հաջողվել։

Հիվանդ երեխաների մոտ հայտնաբերվել է գրիպ Ա

Սարատովի մարզի Ռոսպոտրեբնադզորի գրասենյակը հայտնել է, որ բաժանմունքի մասնագետներն արագ պարզել են երեխաների հիվանդության պատճառը: Տյումեն-Ադլեր գնացքից հեռացված դպրոցականների մոտ Ա գրիպ է ախտորոշվել: