Երիտասարդը խոստովանում է, որ ինքն է Երևանում լկտի պահվածք դրսևորած ռուսների հետ միջադեպի մասնակիցը (տեսանյութ)

Տիկտոկում և Ինստագրամում Shat Wat ծածկանունով հայտնի երիտասարդը խոստովանել է, որ ինքն է Երևանում լկտի պահվածք դրսևորած ռուսների հետ միջադեպի մասնակիցը: Նա նշել է, որ իր անունը Գևորգ է, ինքը մեկ տարի առաջ է եկել Ռուսաստանից: 

«Չմտածեք, որ մենք խուլիգաններ ենք: Ես ու իմ ընկերը 3-4 շաբաթ առաջ գնացել ենք ոստիկանություն, ամբողջ թղթաբանությունը, տեսանյութերը, որ ինչեր են անում` թմրանյութեր են գովազդում, քրֆում են, լրիվ տվել ենք: Կենտրոնի ոստիկանությունում 4 ժամ նստեցինք, հետո մեզ ասեցին` լավ, կզանգենք: 3 շաբաթ անցավ, ոչ մի ձայն չհանեցին: Դուք երեկ չէ առաջին օրը դուք տեսաք` ինչ կատարվեց: Մենք արդեն չդիմացանք: Մեզ իր տուն թողել ա ինքը, ոչ մեկ ոչինչ չի ջարդել, ոչ մեկ  չի ծեծել, մի անգամ չափալաղ են տվել ու ճիշտ էլ արել են: Ես չեմ զղջում և չեմ էլ անի, որովհետև ես ճիշտ եմ արել: Ցանկացած նորմալ մարդ այդպես պետք է անի, որովհետև մեր ոստիկանությունը չի աշխատում: Ես այս տեսանյութը ձայնագրում եմ, որովհետև վաղը-մյուս օրը ինձ կբռնեն և ես ուզում եմ իմանաք ճիշտը և սա կարողանաք տարածել»,- ասել է երիտասարդ տղան: 

Մեկ այլ տեսանյութ էլ ներկայացնում ենք ամբղջությամբ ռուսաց լեզվով: