Ժերար Դեպարդյեն մեղադրվում է 15 հոգու բռնաբարելու մեջ

Փարիզում Ժերար Դեպարդյեի ոտնձգությունների մասին հետաքննական ֆիլմի պրեմիերայի օրը, ինքնասպան է եղել դերասանուհին, ով մեղադրել է նրան սեռական բռնության մեջ։

Դեկտեմբերի 7-ին ֆրանսիական հեռուստատեսությամբ ցուցադրվեց Ժերար Դեպարդյեի և նրա, մեղմ ասած, տարօրինակ վերաբերմունքի մասին ֆիլմը. 2019 թվականից ի վեր ավելի քան 10 աղջիկ նրան մեղադրել է բռնության, ոտնձգությունների և ոչ պատշաճ վարքի մեջ։

Ֆիլմում խոսվում էր նաև դերասանուհի Էմանուել Դեբեվերի մասին՝ նա առաջիններից էր, ով Դեպարդյեին մեղադրեց բռնության մեջ։

Դերասանուհին սոցիալական ցանցերում խոստովանել է, որ դերասանը սեռական ոտնձգություններ է կատարել իր նկատմամբ՝ 1983 թվականին նկարահանված լեհ-ֆրանսիական «Դանտոն» պատմական դրամայի նկարահանումների ժամանակ։

Ըստ Դեբեվերի՝ Դեպարդյեն «հրեշ էր, ով իրեն շատ բաներ էր թույլ տալիս»։

Դերասանուհին ասել է, որ «Սեզար» մրցանակի դափնեկիրը «վայելել է իրեն վագոնում և իր հաստ թաթերը դրել է կիսաշրջազգեստի տակ»՝ իբր «նկարահանման հրապարակում վստահություն տալու համար»:

Ֆիլմի պրեմիերայի օրը 60-ամյա Դեբեվերն իրեն նետել է Սեն գետը։ Փրկարարները կնոջը դուրս են բերել ջրից, բժիշկները փորձել են փրկել նրան, սակայն նա հիվանդանոցում մահացել է։ Քննիչների խոսքով՝ իր մահից ութ օր առաջ Դեբեվերը դուրս է եկել տնից և «անհանգստացնող գրություն» թողել իր սենյակակցին։

Դեպարդյեին առաջին անգամ բռնության մեղադրանք է առաջադրվել 2018 թվականի ամռանը․ արդյունքում մեղադրանքներին միացել է 14 կին։

2023 թվականի հոկտեմբերին Դեպարդյեն բաց նամակ հրապարակեց Le Figaro թերթում, որում նա հերքեց իրեն առաջադրված բոլոր մեղադրանքները և հայտարարեց, որ «հոգնել է իր մասին կեղծ տեղեկություններ լսելուց»։